इनरुवा । नेपाली कांग्रेसका केन्द्रीय सदस्य तथा संघीय सांसद ज्ञानेन्द्रबहादुर कार्कीले जीवनमा खेलकुद आवश्यक भएको बताएका छन् ।
सुनसरीको बराहक्षेत्र नम्बर ७ मा पुरुष भलिबल प्रतियोगिताका प्रमुख अतिथि समेत रहेका कार्कीले मानव जीवनमा खेलकुद मार्फत विकास गर्न आवश्यक रहेको बताएका छन् ।
खेलकुदले सर्वाङ्गिण विकास गर्नुको साथै खेलकुद मार्फत एकता कायम भएको हुदाँ समय समयमा खेलकुद गर्नुपर्ने आवश्यक रहेको बताए ।
सुनसरीको बराहक्षेत्र नगरपालिका वडा नम्बर ७ का युवाहरुले भलिवल प्रतियोगिता आयोजना गरेको कार्य सराहनीय भएको भन्दै सांसद कार्कीले यस क्षेत्रमा खेलकुदबाट युवाहरुको सहभागिता र मनोवल उच्च बनाएकोले खेलकुदसँगै विकासका कार्यहरुपनि गर्न आवश्यक रहेको बताए ।
सांसद कार्कीले यस क्षेत्रमा भलिवल प्रतियोगिताले एक आपसमा सदभाव र भाईचारा कायम हुने भएको हुदाँ खेलकुदबाट युवाहरुको पहिचान बनेकोले यसलाई निरन्तरता दिनुपर्नेमा जोड दिए ।
खेलकुदले युवा खेलाडी उत्पादन गर्न सहज हुने भएका् हुदाँ यस क्षेत्रबाट राष्ट्रिय स्तरमा सम्म पुग्नेगरी युवाहरुको सहभागितामा सबैले जोड दिनुपर्ने बताउँदै सांसद कार्कीले खेलकुदले राष्ट्रिय एकतामा समेत सहयोग गरेको बताए ।
‘भलिबल नेपालको राष्ट्रिय खेल’ भन्ने मुल नाराकासाथ प्रथम बराहक्षेत्र नगरपालिका वडा नम्बर–७ भलिवल कप देविघाट खेलकुद विकास समिति सुनसरीको आयोजनामा सम्पन्न भएको पुरुष भलिवल कप कार्यक्रमलाई सम्वोधन गर्दै सांसद कार्कीले युवाहरुको उत्साहजनक सहभागिताले यस क्षेत्रमा खेलकुद विकासमा टेवा पुग्ने बताए ।
फुट होइन, जुटको आवश्कता भएको हुदाँ वर्तमान परिस्थितीमा पनि युवाहरुले एकजुट भई विकास गर्नुपर्ने औल्याएका थिए । कार्कीले युवाहरु देशको मेरुदण्ड भएकाले खेलकुद विकाससँगै ब्यक्तित्व विकास पनि आवश्यक रहेको बताए ।
युवाहरुले आअफनो क्षेत्रमा खेलकुद क्षेत्रबाट अगाडि बढनुपर्ने बताउँदै युवाहरुको शक्तिले आमूल्य परिवर्तन गर्न सहयोग पुग्ने भएको हुदाँ राष्ट्रिय एकता सहित राजनीतिकमा पनि युवाहरुको अहम भूमिका भएको हुदाँ वर्तमानर राजनीतिकमा पनि युवाहरुले चासो राख्नुपर्ने बताए ।
कार्यक्रममा कोशी गाउँपालिकाका अध्यक्ष ऐयुव अन्सारी, कांग्रेसका नेता सदानन्द मण्डल, मुस्लिम संघ १ नम्बर प्रदेशका अध्यक्ष डा.ईसराईल मंसुरी, युवा नेता सुनोज निरौला लगायतको सहभागिता रहेको थियो । कार्यक्रममा प्रथम हुनेलाई नगद ४० हजार र दोश्रो हुनेलाई २५ हजार रुपैयाँ सहित ट्रफी मेडल सहित प्रमाणपत्र समेत प्रदान गरिएको थियो ।
