सुनसरी । सुनसरी इनरुवाबाट पत्रकारिता गर्दै आएका इकवाल अहमद यसपटक राजनीतिमा हाेमिएका छन ।
उनले फागुन २१ गते हुने निर्वाचनमा सुनसरी २ नम्बर निर्वाचन क्षेत्रमा प्रतिनिधिसभा सदस्यका लागि उम्मेदवार बनेर अहिले मतदाता भेट्न घर घर पुगिरहेका छन ।
मतदाताकाे आश्वासनपछि उत्साहित देखिएका पत्रकार अहमदले यसपटक सुनसरी २ नम्बर निर्वाचन क्षेत्रमा चुनाव आफुले २५ देखि ३० हजार हाराहारीमा मत ल्याएर जित्ने दावी समेत गरेका छन ।
आफ्नो निर्वाचन क्षेत्रमा अहमदले मतदाताको घर-घरमा पुगेर कैँची छापमा मतदान गर्न आग्रह गरेका छन् । फरक शैलिमा अहमदले मत माग्दै आफ्नो चुनावी अभियानलाई निरन्तरता दिएका छन् ।
इनरुवाको धुलोमा खेलेको, हुर्केको र हरेक कुरा आफ्नो आँखाले देखेको छु, उनले भने,`जनताको हरेक सपना र आवाजलाई आफ्नो ३० वर्षको पत्रकारिताबाट कलम चलाउदा पनि जस्ताको त्यस्तै रहेको छ । त्यसैले बदलिँदो परिस्थितिमा युवाहरूको चाहना र जनताको आवाजलाई संसदबाट उठाउने गरि मेरो उम्मेदवारी रहेको छ ।´
फागुन २१ गते हुन लागेको प्रतिनिधिसभा सदस्य निर्वाचनमा कैँची छापमा मतदान गरिदिन सबैलाई उनले आग्रह गरेका छन् ।
