भुटाहा । हरिनगर गाउँपालिकाले आ.व. २०७८÷०७९ को बजेट नीति तथा कार्यक्रम आठौं गाउँ सभा सम्पन्न गरेको छ ।
कार्यक्रमका अवसरमा विभिन्न संचारको माध्यमबाट हरिनगर क्षेत्रको समग्र विकास निर्माणमा पुर्याएको योगदानको उच्च मूल्यांकन गर्दैप्रतिक्षण दैनिकका कार्यकारि सम्पादक, एभिन्यूज टेलिभिजनका समाचार सम्वाददाता तथा सुनसरी अनलाइनका कार्यकारी सम्पादक टोमराज मेहता र बर्णमाला दैनिकका सम्वाददाता, विराट टेलिभिजनका कार्यक्रम प्रस्तोता र सम्वाददाता तथा स्मार्ट २४ न्यूजका अध्यक्ष एवम् प्रबन्ध निर्देशक तथा सम्पादक नसीम अन्सारीलाई हरिनगर गाउँपालिकाबाट सम्मानित भएका छन् ।
विगत लामो समयदेखि हरिनगरबाट पत्रकारिता गर्दै आएका सुनसरी जिल्ला सदरमुकाम इनरुवालाई केन्द्र बनाएर नेपाल प्रेस युनियन इनरुवा नगर संयोजक समेत रहेका पत्रकार मेहतासहित कोषाअध्यक्ष अन्सारीलाई समेत सम्मान गरिएको हो ।
कार्यक्रममा हरिनगर गाउँपालिकाका अध्यक्ष गफार अन्सारीले ५१ करोड, ८६ लाख, ४ सय रुपैयाँ बराबरको सिमा भित्र रहेर बजेट, नीति तथा कार्यक्रम सार्वजनिक गर्दै आठौ गाउँसभा सम्पन्न गरेको हो । गाउँपालिकाले सार्वजनिक गरेको बजेटको प्राथमिक्तामा स्वास्थ्य र शिक्षाको गुणस्तर अभिवृद्धि, गरिव भूमि बिहिन तथा अशक्तमैत्री कार्यक्रम, रहेका छन् ।
त्यस्तै औधोगीकरण तथा युवा रोजगारीको अवसरमा वृद्धि, आर्थिक तथा सामाजिक विकासमा वृद्धि, भौतिक पूर्वाधार निर्माण एवम् स्तरोन्नती रहेका छन् ।
बजेटमा कृषिको आधुनिकीकरण, विशिष्टीकरण तथा व्यवसायीकरणमा प्राथमिक्ता दिइएको छ । लक्षित तथा विपन्न वर्गको सशक्तिकरण, सुरक्षित आवास र क्षमता विकास, सेवा प्रभावमा प्रभावकारिता र सुशासनमा प्राथमिक्ता दिइएको छ ।
हरित, उज्यालो,मजदुर मैत्री, बन्द निषेधित र सुन्दर गाउँ साथै पर्यटकीय गन्तव्यहरुको उजागर गरी आर्थिक विकास, विपद् व्यवस्थापन तथा वातावरण संरक्षणका क्षेत्रलाई बजेटले प्राथमिक्ता दिएको हरिनगर गाउँपालिकाका प्रमुख प्रशासकीय अधिकृत भक्त बाहादुर खड्काले बताएका छन् ।
सोही अवसरमा उत्कृष्ट कर्मचारीका रुपमा हरिनगर गाउँपालिकाका उपाध्यक्ष तथा न्यायिक समिति संयोजक रिमझिम कुमारी भगत , प्रशासन अधिकृत सुजन ढुङ्गले, लगायत ११ जना गाउँपालिकाका विभिन्न तहका कर्मचारी सम्मानित भएका छन् ।
त्यसैगरी सम्मानित हुने कर्मचारीहरुमा योजना शाखा प्रमुख रमेश कुमार स्वर्णकार, लेखापाल रंजीत मेहता, गाउँपालिका कार्यालय सहयोगी हिरा उराँव,कार्यपालिका सदस्य सुशील कुमार ठाकुर , ३ नम्बर वडाका वडा अध्यक्ष अरविन्द कुमार मेहता, ५ नम्बर वडा सदस्य अताबुल अन्सारी , ६ नम्बर वडा सदस्य दाबुद अन्सारी, ४ नम्बर वडा सचिव करुणा निरौला रहेका छन् ।
कार्यक्रमका अध्यक्ष तथा हरिनगर गाउँपालिकाका अध्यक्ष गफार अन्सारी, उपाध्यक्ष रिमझिम भगत,प्रमुख प्रशासकीय अधिकृत भक्तबाहादुर खड्का,भोक्राहा नरसिंह गाउँपालिकाका प्रमुख प्रशासकीय अधिकृत रामचरित्र मेहता, प्रशासन अधिकृत सुजन ढुङ्गले, कार्यपालिका सदस्य सुशील कुमार ठाकुर लगायतले सम्मानित सबैलाई दोसल्ला दिएर सम्मान गरेका थिए ।
गाउँपालिकाकी उपाध्यक्ष रिमझिम कुमारी भगत , हरिनगर गाउँपालिकाका प्रमुख प्रशासकीय अधिकृत भक्तबाहादुर खड्का,भोक्राहा नरसिंह गाउँपालिकाका प्रमुख प्रशासकीय अधिकृत रामचरित्र मेहता,३ नम्बर वड अध्यक्ष अरविन्द कुमार मेहता, ४ नम्बर वडाअध्यक्ष सुदिलाल मेहता,७ नम्बर वडा अध्यक्ष नसिर खाँ, ४ नम्बर वडा सदस्य राजेश पाल, ६ नम्बर वडा सदस्य दाबुद अन्सारी लगायतले बजेट कार्यान्वयनको सफलताको कामना गरेका थिए ।
सो गाउँपालिकाको आठौँ गाउँसभाबाट पाँचवटा विधेयक पारित गर्दै आठौं गाउँसभाबाट सम्पन्न गरेको छ । चालु आर्थिक वर्ष २०७७÷०७८ को संशोधित अनुमान बजेट पारित, आर्थिक विधेयक २०७८ पारित, विनियोजन विधेयक २०७८ पारित, आर्थिक वर्ष २०७८÷०७९ को वार्षिक नीती तथा कार्यक्रम बजेट र हरिनगर गाउँपालिकाको कर्मचारीको तह तथा स्तरबृद्धि सम्वन्धित विधेयक २०७७ आठौं गाउँसभाबाट सफलतापूर्वक पारित गरेको पालिकाका अध्यक्ष गफार अन्सारीले बताएका छन् ।
