इनरुवा । सुनसरीको सदरमुकाम समेत रहेको इनरुवा नगरपालिकाको जिल्ला अस्पताल सुधार र समस्या समाधानमा लागेको अस्पताल सञ्चालन तथा व्यवस्थापन समितिले प्रयास थालेको जनाएको छ ।
लामो बन्दाबन्दीले समस्याग्रष्त रहेकोमा सेवालाई थप प्रभावकारी र व्यवस्थित्त बनाउन लागिपरेको समितिका संयोजक तथा जिल्ला समन्वय समितिका प्रमुख गोपालराज भण्डारीले जानकारी दिए ।
अस्पतालको विकास र सेवा गुणस्तरका लागि आफूहरु आएदेखी नै प्रयासरत रहेकोमा केही समस्याहरु आएको स्मरण गराउनुहुदै अस्पतालको सेवा थप प्रभावकारी र व्यवस्थित बनाउन लागिपरेको बताए ।
बुधबार पत्रकार सम्मेलन गरेर समितिले अस्पतालमा जिम्मेबारी समालेसगैं फोहोर व्यवस्थापन, सरसफाई, खानेपानीको व्यवस्थापन, इमेरजेन्सी भवनको निर्माण र थप व्यवस्थित्त बनाउन नयाँ भवनमा लगिएको, शल्यकृया सहितको प्रसुती सेवा सुचारु गरेको जनाकारी दिए ।
एता यसअघि जिल्ला अस्पताल इनरुवा सुनसरी सुधारका लागि इनरुवाका युवाहरु एक जुट भएका छन् । स्थानीय तथा युवाहरुले इनरुवा अस्पतालको बेथितिका कारण नागरिकहरु मारमा परेकाले जिल्लादेखी प्रदेशसम्म दवावको कार्यक्रम गर्ने समेत निधो गरेका थिए ।
सेवा दिनुको साट्टो सेवाग्राहीहरुलाई सास्ती दिने गरेको गुनासो बाहिर आएपछि युवाहरुले शुक्रवारको प्रथम भेलाले जिल्ला अस्पताललाई सुधार गर्दै अगाडी बढ्ने समेत बताइएको थियो ।
