इनरुवा । सुनसरीको इनरुवामा आउँदो मंसिर २९ गते हुने बिरोध प्रदर्शनको तयारी पूरा भएको छ । नेपाली कांग्रेस इनरुवा नगर कार्यसमितिको बिहिवार बसेको बैठकले मंसिर २८ गते मोटरसाइकल ¥याली निकाल्ने र २९ गते सरकारको बिरुद्धमा बृहत प्रदर्शन गर्नको लागि सम्पूर्ण तयारी पूरा भएको नेपाली कांग्रेस इनरुवा नगरकार्य समितिले जनाएको छ ।
नेपाली कांग्रेसले कम्यूनिष्ट सरकार बिरुद्ध खबरदारी गर्नका लागि देशभर हुन गइरहेको बिशाल बिरोध सभा सुनसरीको इनरुवामा पनि बृहत बिरोध प्रदर्शन कार्यक्रममा नेपाली कांग्रेसका क्रियाशिल सदस्य, भातृ संगठनहरु, शुभेच्छुक संघ संस्थाका प्रतिनिधि लगायतका बिभिन्न सरोकारवालाहरुलाई मंसिर २९ गते सोमबारका दिन बिहान ११ बजे सहभागि भई सफल बनाउन सबैमा अनुरोध गरेको छ ।
नेपाली कांग्रेस इनरुवा नगर कार्यसमितिले मंसिर २९ गते बिरोध सभालाई सफल बनाउनका लागि उपसमितिहरु गठन गरेको जनाएको छ ।
नेपाली कांग्रेस इनरुवा नगरकार्य समितिका सचिव धिरज भट्टराईको संयोजकत्वमा प्रचार प्रसार उपसमिति गठन गरेको छ । सदस्यहरु संयम कोइराला र सन्तोष शर्मा रहेका छन् ।
सुनोज निरौलाको संयोजकत्वमा मञ्च ब्यवस्थापन उपसमिति गठन गरिएको छ । सदस्यहरुमा वहाव अन्सारी र राकेश निरौला रहेका छन् ।
यसैगरीे बौवालाल मेहताको संयोजकत्वमा यातायात ब्यवस्थापन उपसमिति गठन गरिएको छ । उपसमितिको सदस्यहरुमा जितेन्द्र यादव र उत्तम कार्की रहेका छन् ।
वर्तमान सरकारको सर्वसत्ताजादी प्रवृति, दमन, भ्रष्टाचार, कोभिड १९ नियन्त्रणमा असफल, राज्य आतंक, चर्को मूल्य बृद्धि, महिला हिंसा , नेपाली कांग्रेसको बरिष्ठ नेता रामचन्द्र पौडेल माथि भएको अभद्र ब्यवहारको बिरुद्धमा आयोजित हुन लागिएको बिरोेध सभालाई सफल बनाउन आ आफनो ठाउँबाट सहयोग गर्नको लागि नेपाली कांग्रेसका इनरुवा नगर सचिव धिरज भट्टराईले अनुरोध गरेका छन् ।
