हरिनगर । सुनसरीको हरिनगर गाउँपालिकामा सरोकारवालाहरुसँग अन्तक्र्रिया कार्यक्रम सम्पन्न भएको छ ।
युथ क्रिएसन सुनसरीको आयोजना र प्लान इन्टरनेशनको सहयोगमा एक दिने अन्तक्र्रिया कार्यक्रम हरिनगरा प्राथमिक स्वास्थ्य केन्द्रमा सम्पन्न भएको हो । लिड एण्ड डिसाईड परियोजना अन्र्तगत निर्णय प्रक्रिया तथा युवाहरुको अर्थपूर्ण सहभागिताको लागि युवा संजाल, स्थानीय सरकार तथा सामाजिक अगुवाहरुबीच अन्तक्र्रिया कार्यक्रम सम्पन्न भएको आयोजकले जनाएको छ ।
हरिनगर गाउँपालिकाका अध्यक्ष गफार अन्सारी मियाँले पालिकामा युवाहरुको अर्थपूर्ण सहभागिता भएको बताएका छन् ।
युवा नीती बनाएको र युवामैत्री गाउँपालिका बनाउने प्रयासमा लागि परेको अध्यक्ष अन्सारीले बताए । युवाहरुको उत्साह र उमंगलाई मध्यनजर गर्दै युवाहरुको पहुँच पु¥याउनका लागि सहभागितामूलक ढङ्गबाट गतिविधिहरु गर्दै आएको समेत उनले बताए ।
युवा नीती बनाएपनि संघीय र प्रदेश सरकारले कुनै चासो नराखेपनि आफूले पालिकामा युवामैत्री बनाई सहजढङ्गबाट क्रियाकलाप गरिरहेको र पालिकाभित्र भइरहेको कार्यहरुलाई मूल्याङ्कन ,अनुगमन र निगरानी गर्न युवापुस्ताहरुलाई उनले अनुरोध गरेका छन् ।
संविधानमा उल्लेख भएका धेरै कुराहरुमा संघीय र प्रदेश सरकारले नीती नियम बनाउने गरेपनि कार्यान्वयन नगरीकन सरकारले आफू उम्किन खोजेको र स्थानीय सरकारलाई थुपार्न खोजेकोले धेरै कुरा गर्न चाहेर पनि गर्न नसकेको उनको तर्क छ ।
हरिनगर गाउँपालिकाका प्रमुख प्रशासकीय अधिकृत भक्त बहादुर खड्काले आफू जहाँ बसेपनि युवाहरुलाई बढी प्राथमिकतामा राखेर योजना देखी नीती निर्माणसम्ममा सहभागिता गराउने गरेको बताए । युवाहरु देशको वर्तमान कर्णधार र सम्वाहक हुन् ‘उनले भने युवाहरुलाई प्रोत्साहन गर्न पालिकाको तर्फबाट पूर्ण सहयोग रहनेछ ।’
युवाहरुको जोसजागर र क्षमतालाई सकारात्मक परिवर्तन ल्याउन गाउँपालिकाले खेल्ने भूमिका अपरिहार्य रहको बताउँदै खड्काले बजेट तथा नीती निर्माणमा युवाहरुको सहभागिता गराउने प्रतिवद्धता ब्यक्त गरेका छन् । युवा बिना कुनै पनि काम सम्भव नहुने भएकाले अगामी दिनमा आएको सुझाव र पृष्ठपोषणलाई कायम गर्ने समेत उनले बताए ।
हरिनगर गाउँपालिका वडा नम्बर ३ का वडाध्यक्ष अरबिन्द कुमार मेहताले आफूहरुले युवाहरुलाई बिशेष ग्रहता दिएर अर्थपूर्ण सहभागितामा जोड दिएको बताए । मेहताले वडा नम्बर ३ मा कुनै पनि क्रियाकलाप गर्दा युवाहरुको सहभागिता रहने भएकोले काम गर्न सजिलो भएको समेत बताए ।
हरिनगरा प्राथमिक स्वास्थ्य केन्द्रका प्रमुख माधवलाल देवले प्राथमिक स्वास्थ्य केन्द्रमा म्याद गुज्रन बाँकी रहेको औषधी स्वास्थ्य कार्यालयबाट पठाउने गरेकोले युवाहरु लगायतको लक्षित वर्गलाई समस्या हुने बताए । सम्वन्धित निकायले औषधी अभावलाई ख्याल नगरीकन भएको नै औषधी त्यो पनि म्याद गुज्रन लागेको पठाउँदा स्थानीय स्तरमा समस्या भएको उनको जिकिर थियो ।
निर्मा कुमारी मेहताले पालिकाबाट युवाहरुलाई सहभागिता गराएको र बजेट बिनियोजन गरी बिभिन्न समयमा क्रियाकलाप गराएको र सल्लाह सुझाव लिएर कार्यान्वयन गर्ने गरेको बताईन् ।
कार्यक्रममा हरिनगर गाउँपालिकाकी उपाध्यक्ष रिमझिम कुमारी भगत, वडा नम्बर ४ का वडाध्यक्ष सुदीलाल मेहता, पत्रकार ताविल अन्सारी, रविन्द्र मेहता, सहजकर्ता जयकृष्ण यादव, पत्रकार टोमराज मेहता, लक्ष्मी मेहता, पिताम्बर ठाकुर लगायतको सहभागिता रहेको थियो ।
