इनरुवा । सुनसरीको सीमावर्ती देवानगञ्ज गाउँपालिकामा नेपाली कांग्रेस सुनसरीले अन्तरक्रिया कार्यक्रमलाई तीव्रता दिएको छ ।
नेपाली कांग्रेस सुनसरीले बिहीबार देवानगञ्ज गाउँपालिका वडा नम्बर ३ को कप्तानगञ्जमा नेपाली कांग्रेसका नेता तथा कार्यकर्ताहरुको सहभागितामा अन्तक्र्रिया कार्यक्रम सम्पन्न गरेको छ ।
नेपाली कांग्रेस सुनसरीले बुधबार देवानगञ्ज–२ मा अन्तरक्रिया सम्पन्न गरेलगत्तै बिहीबार देवानगञ्ज–३ मा अन्तरक्रिया कार्यक्रम सम्पन्न गरेको सुनसरी कांग्रेसले जनाएको छ ।
नेपाली कांग्रेसलाई मजबुत बनाउनका लागि एकढिक्का हुनुपर्ने १ नम्बर प्रदेशका प्रतिपक्षी दलका नेता राजीव कोइरालाले बताएका छन् ।
अन्तरक्रिया कार्यक्रमलाई सम्बोधन गर्दै कोइरालाले वर्तमान प्रधानमन्त्री केपी शर्मा ओलीको क्रियाकलापबाट जनता आजित भएकाले जनताको मर्म र भावना बुझ्ने पार्टी नेपाली कांग्रेस भएकाले एकढिक्का भएर अगाडि बढ्नुपर्ने बताए ।
सुनसरीको दक्षिणवर्ती क्षेत्रमा आफू निर्वाचित भएको साढे तीन वर्षमा विकासको गतिविधिलाई अगाडि सारेको बताउँदै कोइरालाले अरु पार्टीका नेताहरुले दक्षिणवर्ती क्षेत्रमा विकास गरेको हल्ला फैलाएको हुदाँ उनीहरुको कुरामा नलाग्न आग्रहसमेत गरेका छन् ।
नेपाली कांग्रेस सुनसरीका सभापतिसमेत रहेका कोइरालाले निर्वाचित भएको साढे तीन वर्षमा सक्दो विकास गर्न प्रयास गरेको र आउँदो दिनमा यस क्षेत्रलाई विकासको गतिलाई उचाइसम्म पु¥याउन आफनो भूमिका रहनेसमेत बताए ।
यस क्षेत्रमा नेपाली कांग्रेसले विभिन्न कामहरु गरेको हुँदा अरु पार्टीको हल्लामा नलाग्न र विश्वास नगर्न आग्रह गर्दै उनले नेपाली कांग्रेसले नै जनताको भलो र हक अधिकार प्राप्तिका लागि आवाज उठाउने प्रतिबद्धता ब्यक्त गरेका छन् ।
कार्यक्रममा संघीय सांसद सिताराम मेहता, सांसद ज्योति सुब्बा, कांग्रेस सुनसरीका उपसभापति सञ्जय श्रेष्ठ, सचिव केदार भण्डारी, देवानगञ्ज गाउँपालिकाका अध्यक्ष लालीप्रसाद मेहता, क्षेत्र नम्बर २ ख का सभापति श्यामलाल मेहता लगायतको सहभागिता रहेको थियो ।
