अमेरिकाको पूँजीबजार न्युयोर्क स्टक एक्सचेञ्जले चिनियाँ कम्पनी चाइना टेलिकमलाई सूचीबाट हटाउन प्रकृया थालेको छ।
राष्ट्रपति डोनाल्ड ट्रम्पको निर्देशनमा न्युयोर्क स्टकले चीन विरुद्ध पछिल्लो कदम चालेको हो।
चिनियाँ सेनासँग सम्बन्ध राखेका कम्पनीहरुलाई अमेरिकाम प्रतिबन्ध लगाउन ट्रम्प प्रशासनले निर्देशन दिएको थियो।
चिनियाँ मोबाइल फोन अपरेटर यो कम्पनीको शेयरलाई स्टक एक्स्चेञ्जबाटै हटाउन लागेको छ।
न्युयोर्क स्टक एक्स्चेञ्जले जारी गरेको विज्ञप्तिअनुसार चाइना टेलिकम कर्पोरेशन लिमिटेड, चाइना मोबाइल लिमिटेड र चाइना युनिकम (हङकङ) लाई हटाउन प्रकृया थालिएको हो।
राष्ट्रपति ट्रम्पले गत नोभेम्बरमा चिनियाँ सैनिकको नियन्त्रणमा रहेका कम्पनीहरुलाई अमेरिकामा लगानी गर्न प्रतिबन्ध लगाउन कार्यकारी आदेश जारी गरेका थिए। एजेन्सी
