इनरुवा । राष्ट्रसेवक बहुमुखी सहकारी संस्था लिमिटेड इनरुवाको अध्यक्षमा लेखनाथ पौडेल विजयी भएका छन् । पौडेलले ४ सय ५१ मत ल्याई विजयी भएको र उनका प्रतिस्पर्धी हिमाल श्रेष्ठ भने २ सय ५७ मत ल्याएर पराजित भएका छन् ।
राष्ट्रियसेवक बहुमुखी सहकारी संस्थाको उपाध्यक्षमा कुष्णकुमार नेपालले ४ सय ६२ मत प्राप्त गरेर विजयी भएका छन् भने उनका प्रतिस्पर्धी यादव भण्डारीले २ सय १५ मत ल्याएर पराजित भएका हुन् ।
त्यसैगरी सचिव पदमा कुमार न्यौपाने बिजयी भएका छन् । न्यौपानेले ४ सय ५५ मत ल्याएर विजयी भए भने न्यौपानेका प्रतिस्पर्धी उमेश गौतमले २ सय २५ मत ल्याएर पराजित भएका हन् ।
त्यसैगरी कोषाध्यक्ष पदमा मोहन सुवेदीले ४ सय ६४ मत ल्याएर विजयी भएका छन् । उनका प्रतिस्पर्धी निलकमल निरौलाले २ सय १६ मत ल्याएर पराजित भएको निर्वाचन समितिले जनाएको छ ।
खुला सदस्य तर्फ केशव कुमार श्रेष्ठ, कुलमणि बराल, रामदेव साह र परेश कुमार कर्ण विजयी भएका छन् । यस्तै महिला सदस्य तर्फ मेनुका भण्डारी, तिलोत्तमा दाहाल र कोपिला कार्कीले जित हात पारेका छन् ।
लेखा तथा सुपरीवेक्षण समिति संयोजकमा भोजराज खनाल बिजयी भएका छन् । खनालले मणिराज पोखरेललाई पराजित गरेका हुन् । महिला सदस्यमा जानुका खनाल विजयी भएकी छिन् भने खुला सदस्यमा राजकुमार श्रेष्ठ निर्विरोध भएका छन् ।
