धरान । सुनसरी–धनकुटा–मोरङ तिन जिल्लालाई जोड्ने संगमस्थल धरान वडा ५ स्थित कच्चि सडक निर्माण संगै स्तरवृद्धिका लागि धरान उपमहानगरपालिकाले प्राथमिकतामा राखेको छ ।
निर्माणाधिन सकडकबाट धनकुटाको कन्यापोखरी हुँदै मोरङको केराबारी सम्म यातायात सञ्चालनमा सहजता गर्ने भएकाले प्राथमिकतामा राखिएको हो ।
धरान–५ पानवारीको साउनेटार, धरान–४ को मङ्गलटार, सुमनटार, हर्दिया हुँदै सडकले धनकुटाको कन्यापोखरी संग सुनसरीलाई जोड्छ । कन्यापोखरी बाट उक्त सकडले सिधै मोरङको केराबारी गाउँपालिका जोड्छ ।
स्थानिय उपभोक्ता समितिको जनसहभागीतामा निर्माणधिन उक्त सडक खण्डको एक खण्डका काम अन्तिम चरणमा पुगेको छ । मेयर तिलक राई, उपमेयर मञ्जु भण्डारी सहितको टोली आइतवार सडक निर्माण कार्यको निरिक्षणमा साउनेटार पुगेको थियो ।
मेयर राईले उपभोक्ता समितिको योगदानको प्रशंसा गर्दै भने ‘सडकको उकालो, ओरालो दुर्घट्नाको जोखिमपूर्ण स्थलमा आवश्यक ग्राभेल र ढलाई गर्नेकार्य सकृयता पूर्वक हुँदै रहेछ, काम प्रशंसनिय छ ।’ साउनेटरको सडकले साविक पाँचकन्याको पहाडी भूगोल र मोरङ जोड्ने भएको हुनाले धरानको आर्थिक गतिविधिका लागि सडक महत्वपूर्ण भएको उनले बताए । उपभोक्ताको लगानीमा बन्ने सकडहरुमा यो सडक नमुना योग्य साबित हुने मेयर राईले विश्वास व्यक्त गरे ।
उपमेयर भण्डारीले उक्त सडक निर्माणमा स्थानीयबासी महिला समेत एकजुट भएर लागेको देखिनु उत्साहजनक भएको बताइन् । १०८ मिटर लामो उक्त सडकको चौडाई २० फिट छ । सडकको घुम्ती ३० फिटको बन्दैछ । साउनेटारमा पर्ने उक्त सडकले गाउँको आर्थिक विकासमा योगदान पु¥याउने विश्वास सहति स्थानीय जुटेका छन् । उक्त सडक खण्ड निर्माणका लागि कुल लागतको १७ लाख रुपैयाँ लाग्ने अनुमान गरिएको छ ।
त्यसमध्ये ५० प्रतिशत उपमहानगरपालिकाले बजेट छुट्याइएको छ । थप ५० प्रतिशत लाग उपभोक्ता समितिले स्थानीय जनसभागिता र श्रमदानबाट व्यहोर्नेछन् । उपभोक्ता समितिका अध्यक्ष मनोज महरका अनुसार साउनेटारको एक खण्ड सडक निर्माणको काम यसै साताभित्र सकिने लक्ष्य राखिएको छ ।
सडक निर्माणका लागि उपमहानगरपालिकाले विपद कोषबाट ८ लाख ५० हजार रुपैयाँ सहयोग गरेको छ । वडा ५ कार्यालय संग पनि सहकार्यमा भैरहेको सडक निर्माणमास्थानीय सहभागिता र श्रमदान उत्साहप्रद रहेको उनले बताए ।
वडा अध्यक्ष सन्तोष लिम्बुले भने ‘बर्षा याममा यो बाटोमा हिड्न अत्यन्तै समस्या छ ।’ उकालोमा सवारी साधन चिप्लिने, दुर्घटना दैनिक जसो भइरहने गरेकाले । दुर्घटना रोकथाम गर्नकै लागि ग्राभेल र ढलाईको काम भइरहेको बताए । उनले भने ‘अब भने दिगो रुपमा समस्या समाधान हुन्छ ।’
