गनेश यादव
इनरुवा । सुनसरीको इनरुवा–४ को रेडक्रस विद्यालयमा निःशुल्क स्वास्थ्य शिविर सम्पन्न भएको । रेडक्रस स्कूलमा शुक्रवार निःशुल्क स्वास्थ्य शिविरमा एक सय ५० बालबालिकाहरुले सेवा पाएका छन् ।
जुनियर जेसीज इनरुवाको आयोजनामा एक दिने निःशुल्क स्वास्थ्य शिविर गरिएको हो । शिविरमा इनरुवा नगरपालिका, इनरुवा जेसीज, नगरबासी र रेडक्रस स्कूल इनरुवा–४ को सहयोगमा शिविर सम्पन्न भएको जुनियर जेसीज इनरुवाले जनाएको छ ।
सो शिविरमा नवजात शिशु तथा बालबालिकाहरुलाई चेकजाँच गरिएको थियो । बाल बिशेषज्ञ डाक्टर फरेन्द्र शाहले एक सय ५० बालबालिकाहरुलाई शिविरमा सेवा प्रदान गरिएको जुनियर जेसीज इनरुवाका अध्यक्ष कुनाल साहले बताएका छन् ।
सो शिविरमा निमोनिया, जोन्डीस, रुघाखोकी, पेटको समस्या भएका नवजात शिशु तथा बालबालिकाहरुलाई निःशुल्क सेवा प्रदान गरिएको जुनियर जेसीज इनरुवाका उपाध्यक्ष अनुराग ढकालले जानकारी दिए ।
कार्यक्रममा सादन गुप्ता, निरनया श्रेष्ठ, कृष्णा सरदार, पिन्टुराम साह, चन्दन थापा, अजय साह लगायतको सहभागिता रहेको थियो ।
