इनरुवा । सशस्त्र प्रहरी बल नेपाल बिओपी घुस्कीले अवैध भारतीय कुखुरा नष्ट गरेका छन् । भारतबाट नेपालतर्फ ल्याउँदै गरेको भारतीय अवैध कुखुरा सशस्त्र प्रहरी घुस्कीको टोलीले नियन्त्रणमा लिई ४५ थान भारतीय कुखुरा नष्ट गरेका हुन् ।
सशस्त्र प्रहरी बल नेपाल बिओपी घुस्कीले आफनै कार्यालयमा खाल्डो खनी ४५ थान अवैध भारतीय कुखुरा नष्ट गरेको सशस्त्र प्रहरी निरीक्षक सन्तोष सुवेदीले जानकारी दिएका छन् ।
भारतीय सीमावर्ती क्षेत्रमा कुखुरा तस्करी नियन्त्रण गर्न आफू अहोरात्र खटिरहेको सशस्त्र प्रहरी निरीक्षक सुवेदीको भनाई छ । हरिनगर गाउँपालिकाको सीमावर्ती क्षेत्रमा हुने गरेको तस्करीलाई न्यूनीकरण सशस्त्र प्रहरी लागि परेको समेत उनले बताए ।
यसअघि पनि बिभिन्न समयमा अवैध भारतीय कुखुरा नष्ट गरेको थियो । सो कार्यालयमा जनप्रतिनिधि ,भद्रभलादमी, स्थानीयबासी ,नेपाल प्रहरीको रोहबरमामा ४५ थान भारतीय कुुखुरा नष्ट गरिएको हो ।
