इनरुवा । नेपाल कम्युनिस्ट पार्टी(एमाले) नगर कमिटीको आयोजनामा आज होली पर्वको अवसरमा होली पर्व मनाएको छ । नेकपा एमाले इनरुवा नगर कमिटीले जिल्ला पार्टी कार्यालयमा होली विशेष कार्यक्रम आयोजनामा गरि एक आपसमा शुभकामना आदान प्रदान गरी कार्यक्रम सम्पन्न गरेको छ ।
कार्यक्रमका प्रमुख अथिती नेकपा ऐमालेका केन्द्रिय सदस्य तथा जिल्ला अध्यक्ष रेवतीरमण भण्डालीले पार्टीमा एकताको आवश्यकता रहेको बताएका छन् । एकता नै बल हो, उनले भने, पार्टी बलियो बनाउन एकआपसमा सदभाव कायम गर्नुपर्छ । नेकपा एमाले सबैको भावनालाई कदर गर्दै अगाडि बढेकोले अगामि दिनमा देश र जनताको पक्षमा काम गर्ने विश्वास उनले व्यक्त गरेका छन् । एक मात्र पार्टी एमाले भएकाले यस बीचमा भएको विवाद र असझदारीहरुलाई विर्सेर पार्टी एकताको लागि नेता तथा कार्यकर्ताहरु एकजुट भएर अगाडि बढ्नुकोे विकल्प नरहेको उनले बताए ।
कार्यक्रममा केन्द्रिय सदस्य सरोज पोखरेलले होली पर्वले नेकपा एमालेका नेता तथा कार्यकर्ताहरुमा एकता,सदभाव र सहकार्यको भावनामा विकास हुने बताए । उनले पार्टीमा फर्किन नेता तथा कार्यकर्ताहरुलाई अपिल गर्दै मुलकुको निकास निकाल्न प्रधानमन्त्री केपी शर्मा ओली नेतृत्वको पार्टीले मात्र सक्ने भएकाले समयमै आए आफूहरुले भब्य स्वागत समते गर्ने बताए । कार्यक्रममा अर्का केन्द्रीय सदस्य रमेश श्रेष्ठले सुनसरीमा नेकपा एमालेका उम्मेदवारहरु सबै क्षेत्रमा जित्ने पक्कापक्की भएको दाबी समेत गरे ।
कार्यक्रममा कानुन अधिकारी, मिरा दाहाल, इनरुवा ३ का वडाध्यक्ष कालुराम गुरुङ्ग , रामधुनी ८ का वडाध्यक्ष रुद्रबाहादुर बस्नेत , इनरुवा १० का वडाध्यक्ष सुलतान मिँया , एमालेका जिल्ला सचिव परशुराम यादव , कार्यालय सचिव राम कोइराला लगायतका नेताहरुको उपस्थीति रहेको थियो ।
त्यसैगरी शुभकामना आदान प्रदान र होली विशेष कार्यक्रममा पार्टीका हरिनारायण चौधरी, सकुन्तला भण्डारी, भागुलाल श्रेष्ठ , सागर तिम्लिसिना , माधव प्रसाद पोखरेल ,दात्ताराम पोखरेल , राम पोखरेल , डिसी चौधरी , राम कोइराला , दिल कुमारी बस्नेत , इन्दिरा पराजुली , सविना सिग्देल , मनु चापागाँई , सरिता कार्की घिमिरे , लात्ता भट्टराई , राधा सुवेदी पोखरेल , राजन निरौला ,अमर काफ्ले , जानुका पोखरेल लगायतका सय भन्दा बढी नेता कार्यकर्ताहरुले एक आपसमा अविर सटासाट गरेका थिए ।
पार्टीका इनरुवा नगर अध्यक्ष विदुर सुवेदीको अध्यक्षतामा सम्पन्न भएको होली विशेष कार्यक्रममा बराहक्षेत्र नगरपालिकाका प्रमुख निलम खनाल, प्रदेश सभा सदस्य निलम बस्नेत , नेता अजय कुसियैत लगायतका नेताहरुको समेत उपस्थिती रहेको थियो । कार्यक्रम सञ्चालन पार्टीका इनरुवा नगर सचिव मेघराज न्यौपानेले गरेका थिए ।
