राजविराज । सप्तरी जिल्लाको छिन्नमस्ता गाउँपालिकामा राष्ट्रिय युवा संघ नेपालको गाउँ कमिटी घोषणा भएको छ। सो पालिकाको छिन्नमस्ता बजार स्थित रहेको चौरसिया धर्मशालामा आज सम्पन्न भएको कार्यक्रमले अनिल कुमार यादवको संयोजकत्वमा ५१ सदस्य कमिटी घोषणा गरेको हो।
यसैगरी संजय कुमार शर्मालाई इन्चार्ज,दिपेन्द्र कुमार यादवलाई संह-संयोजक ,पंचदेव कुमार मंडललाई सचिव र दुर्गा पंडितलाई कोषाध्यक्षको जिम्मेवारीमा सर्वसम्मतिले चयन गरेका छ्न।
संघको केन्द्रिय सचिवालय सदस्य तथा जिल्ला संयोजक चितरंजन यादवको अध्यक्षतामा सम्पन्न कार्यक्रममा निर्वाचन क्षेत्र न.२ को इन्चार्ज तथा भुमि सम्बन्धि आयोगका बिज्ञ जय प्रकाश ठाकुर(जेपि)को प्रमुख आतिथ्य र जिल्ला कमिटी सदस्य अशोक कुमार यादवको विशिष्ट आतिथ्य रहेको थियो।
कार्यक्रममा जिल्ला कमिटी सदस्य तथा पालिका संयोजक ,धन्जय यादव,बिनोद कुमार यादव र रामनारायण यादव लगायत स्थानीय नेताकार्यकर्ताहरुको उपस्थिती रहेको थियो।
