लौकही । सशस्त्र प्रहरी बल नेपाल बिओपी लौकहीले लागुऔषध सहित चारजनालाई पक्राउ गरेका छन । सशस्त्र प्रहरी बल नेपाल लौकही बिओपिका सशस्त्र प्रहरी निरीक्षक अरुण पाण्डेको नेतृत्व टोलीले मगलवार राति गस्ती टोलीले लागुऔषध सहित चारजनालाई पक्राउ गरेका हुन ।
बिओपि लौकहीका अनुसार जिल्ला सुनसरी इटहरी उपमहानगरपालिका–९ का ३२ वर्षिय आशिष कुमार मण्डललाई लागुऔषध सहित पक्राउ गरिएको हो ।
बिओपि लौकहीबाट खटिएको मोबाईल गस्ती टोलिले चेकजाँच गर्दा प्रतिबन्धित लागुओषध नाइट्रोजन ट्याबलेट १० पता ,१०० गोलि , कोरेक्स १५ बोतल र निजले चलाएको को ३६ प ७८९६ नम्बरको मोटरसाइकल सहित पक्राउ गरिएको जनाएको छ ।
त्यसैगरी सोहि राती नै अन्दाजि १०ः३० बजेको समयमा सशस्त्र प्रहरी लौकहीको मोबाइल गस्ती टोलिले भारतबाट मकैबारीको बाटो हुदै नेपाल तर्फ आउँदो गरेका सुनसरी भोक्रहा नरसिह–६ का अन्दाजी बर्ष १७ का शिबनन्दन मण्डल ,बर्ष १६ का रगुनन्दन मण्डल ,बर्ष १८ का कृष्ण यादवले झोलामा ल्याउदै गरेको लागुऔषध सहित उनीहरुलाई पक्राउ गरेका हुन् ।
उनीहरुसँग ५२ बोतल प्रतिवन्धित लागुऔषध सहित चारैजनालाई इलाका प्रहरी कार्यालय लौकहीलाई सशस्त्र प्रहरीले जिम्मा लगाइएको छ ।
जनप्रतिनिधि,नागरिक समाज, सञ्चारकर्मी, बुद्धिजिविहरुको रहोवरमा लागुऔषध सहित चारैजनालाई इलाका प्रहरी कार्यालय लौकहीलाई जिम्मा लगाएको सशस्त्र प्रहरीका प्रहरी निरीक्षक अरुण पाण्डेले जानकारी दिएका छन् ।
लागुऔषध सहित पक्राउ परेका उनीहरुलाई आवश्यक छानविन गरी कार्वाही प्रक्रिया अगाडी बढाउने सुनसरी प्रहरीले जनाएको छ ।
सशस्त्र प्रहरी बल नेपाल बीओपी लौकहीका सशस्त्र प्रहरी निरीक्षक अरुण पाण्डेले झण्डै एक वर्षमा डेढ दर्जन व्यक्तिहरुलाई लागुऔषध सहित पक्राउ गरेर सुनसरी प्रहरीलाई जिम्मा लगाएको बताए ।
नेपाल–भारत सीमामा पूर्णरुपमा आवतजावत रोक लगाएपनि चोरबाटोको प्रयोग गरी रातीको समयमा लागुऔषध कारोवारीहरु वारीपारी गरिरहेको सूचनाको अधारमा एकै रात चारजनालाई पक्राउ गरीएको उनले बताए ।
