काठमाडौं- काठमाडौं उपत्यकामा अब बेलुका ७ बजेसम्म पसल खोल्न पाइने भएको छ। बिहीबार बसेको उपत्यकाका प्रमुख जिल्ला अधिकारीहरुको बैठकले निषेध आदेश थप १० दिनसम्म लम्ब्याउने निर्णय गरेपनि पसल भने बेलुका ७ बजेसम्म खोल्न अनुमति दिएको हो। यसअघि साँ ६ बजेसम्म मात्रै पसल सञ्चालन गर्न अनुमति दिइएको थियो।
बैठकले साउन १० गतेसम्म निषेध आदेश थप गर्ने निर्णय गरेको छ। बैठकले लामो दुरीका सवारी साधन सञ्चालनको अनुमति दिने विषयमा छलफल भएपनि कुनै निर्णय नभएको काठमाडौंका प्रमुख जिल्ला अधिकारी कालिप्रसाद पराजुलीले जानकारी दिए।
म्याद थप भएको निषेधाज्ञामा सबै प्रकारका सभा, सम्मेलन, सिनेमा हल, पार्टी प्यालेस, डान्स बार, स्वीमिङ पुल, ब्युटी पार्लर, सैलुन भने बन्द नै रहने भएको छ। विद्यालयहरुले पनि भौतिक उपस्थितिमा पढाइ सञ्चालन गर्न पाउने छैनन्।
श्रोत ः नेपाल समय
