मोरङ / विराटनगरमा भारतीय नोट सहित २ जना पक्राउ परेका छन् । विराटनगर महानगरपालिका– १७ मटेरुवा चोकबाट अस्थाई प्रहरी पोष्ट मटेरुवाबाट खटिएको प्रहरी टोलीले भारतीय नोट सहित २ जनालाई पक्राउ गरेको हो ।
पक्राउ पर्नेमा भारत जोगमुनी अहमदपुर १६ बस्ने ३० बर्षीय मो. ईमरान र सोही स्थानका २० बर्षीय मो. कुबेर रहेका छन् । बिहीबार पौने १२ बजे भारतबाट नेपाल आउँदै गरेका उनिहरुलाई साथबाट भारतीय नोट २००० को ७ थान, ५०० को १९४ थान, २०० को ४७ थान, १०० को ३६ गरी जम्मा भारतीय रुपैयाँ १ लाख २४ हजार बरामद गरिएको छ । पक्राउ परेका उनीहरुलाई ईलाका प्रहरी कार्यालय रानीमा लागि थप अनुसन्धान भईरहेको छ ।
