टोमराज मेहता
इनरुवा । सुनसरीको इनरुवा नगरपालिका–६ का मधेशा युवा टिमले नवनिर्वाचिच नेपाली कांग्रेस इनरुवा नगरसभापति राजन मेहतालाई स्वागत तथा सम्मान गरेको छ ।
मधेशा युवा टिमको आयोजनामा इनरुवा–६ मधेशामा स्वागत तथा सम्मान कार्यक्रमको मंगलवार आयोजना गरिएको छ । नेपाली कांग्रेसको १४ औं महाधिवेशनमा असोज ९ गते सम्पन्न भएको नगर अधिवेशनबाट नगर सभापतिमा तेस्रो पटक नेतृत्व लिन सफल भएको भन्दै मधेशा युवा टिमले स्वागत तथा सम्मान गरेको हो ।
इनरुवा नगरपालिकाका नगर प्रमुख समेत रहेका मेहता तेस्रो पटक नेपाली कांग्रेसको इनरुवा नगर सभापतिमा बिजयी भएपछि इनरुवाबासी खुशी भएका छन् । इनरुवाका १० वटै वडाका वडा सभापति र क्षेत्र प्रतिनिधिहरुको रोजाईमा परेपछि उनी भारी मतले बिजयी भएका हुन् ।
नेपाली कांग्रेसको पार्टीलाई हाक्न सक्ने योग्य र अनुभवी व्यक्ति भएकाले उनलाई निर्वाचित गराएको मतदाताहरुको भनाई छ । दुई कार्यकाल सहमतिमै नगर सभापति पाएका मेहता यसपटक भने सहमति हुन नसकेपछि निर्वाचन प्रक्रियाबाट भारी मतले बिजयी भएको हो ।
नगर सभापतिमा २ सय १९ मत ल्याएर नगर सभापतिमा बिजयी भएपछि मतदाताहरुको आंकक्षा पुरा भएको बुझिएको छ ।
नेपाली कांग्रेस इनरुवा नगर सभापति पदमा नवनिर्वाचित मेहताले आपूmले पाएको जिम्मेवारी पुरा गर्ने समेत बताए । सुरसेर दैनिकसँगको कुराकानीमा मेहताले नगरबासीको इच्छा र आंकक्षालाई अगामी दिनमा पुरा गर्ने र पार्टीमा युवा पुस्ताको प्रवेशलाई बढी प्राथमिकता दिई नेतृत्व दिनेमा कुनै कन्जुस्याई नगर्ने बताए । नगरबासी, अग्रज व्यक्ति, नागरिक समाज, बुद्धिजिवी, युवा, महिला र ज्येष्ठ नागरिकलाई सम्मान गर्दै अगाडी बढ्ने उनले बताए ।
नेपाली कांग्रेसको पार्टीलाई नमुना बनाउन आपूm प्रयासरत रहने समेत उनको भनाई छ । कांग्रेसको १४ औं महाधिवेशनबाट आपूmलाई निर्वाचित गराएकोले सबैको सल्लाह र सुझावलाई मध्यनजर गर्दै संगठनलाई मजबुत बनाउने कार्यमा अहम भूमिका रहने समेत नगर सभापति मेहता बताउँछन् ।
अगामी स्थानीय तहको निर्वाचनमा इनरुवाका मेयर, उपमेयर, र सबै वडाहरुमा कांग्रेसबाट टिकट पाएकाहरुलाई बिजयी गराउन अहोरात्र खटेर भएपनि जनप्रतिनिधि बनाउन कुनै कसर बाँकी नराख्ने समेत नवनिर्वाचित नगर सभापति मेहताको कथन छ । त्यसैगरी अगामी निर्वाचनमा प्रदेश र संघीय क्षेत्रका उम्मेदवारलाई समेत जिताउनका लागि काँधमा जिम्मेवारी आएकोले पुरा गर्ने उनले प्रतिवद्धता व्यक्त गरे ।
आपसी सहमति हुन नसकेपछि लोकतान्त्रिक विधि निर्वाचन हो, उनले भने, ‘लोकतन्त्रको सुन्दर पक्ष नै निर्वाचन हो, त्यसैले आफु लोकतन्त्रमा विश्वास गरेकोले सुन्दर पक्षलाई अंगालेर अगाडी बढेको हुदाँ सफलता पाएको छु । निर्वाचन सकिएकोले अब हामी सबै नेपाली कांग्रेस भएकोले एक जुट भएर पार्टीलाई बलियो बनाउन तर्फ एक ढिक्का हुन आवश्यक भएको समेत उनले बताए । आपसी समझदारी, सहमति, सहकार्य र एकताबाट पार्टीलाई सुदृढीकरण गर्दै सशक्त भएर अगाडी बढनुपर्नेमा उनले जोड दिए ।
मधेशा युवा टिमका अध्यक्ष उत्तम कुमार कार्की अध्यक्षतामा सम्पन्न भएको कार्यक्रममा सुमन बि.क, अनुज कार्की, आशिष् चुहान ,राम बाहादुर कटुवाल, बिष्णु माया थापा क्षेत्रि, गणेश बहादुर बस्नेत, लिलाभक्त कार्की, प्रदिप कटुवाल नगेन्द्र कार्की, कुमार कार्की,टुकलाल दाहाल,रवन फुयेल ,मीन बहादुर खडका, छबिलाल मोचि,ललित बाहादुर घिमिरे र गिम बहादुर खडका लगायतकाले सम्मान गरेका थिए ।
