गनेश कुमार यादव
इनरुवा । सुनसरी जिल्लाको इनरुवा नगरपालिकाअन्तर्गतका बजार क्षेत्र भित्रका सडक पेटीमा थुपारिएको मालसामान र निर्माण सामाग्री अझै हट्न सकेको छैन ।
बजार क्षेत्र भित्रका सडक पेटीमा थुपारिएको मालसामान र निर्माण सामाग्री अझै हट्न नसकेको कारण दैनिक दिउँसोको समयमा गाडीहरु जाम हुने गरेका छन् । सडक पेटीमा दोकानका सामान राखेका कारण पैदल यात्रीहरु सडकबाट हिड्न बाध्य छन जसका कारण दुर्घटनाको जोखीम समेत बढेको छ ।
यसतर्फ सम्बन्धित निकायले ध्यान नपु¥याएको सर्वसाधारहरुले गुनासो गरेका छन् । इनरुवा बाजार क्षेत्रभित्र अधिकांस सडकमा व्यापारीहरुले आफ्नो मालसामान, प्रचार बोडहरु सडकको पेटीमा राखेको कारण मानिसहरु बाध्य भएर बिच सडकबाट पैदल यात्रा गर्छन् ।
इनरुवाको मुख्य बजारकै सडकमा अव्यवस्थित तरिकाले निर्माण सामाग्रीहरु समेत थुपारिएर राखिएको भएतापनी त्यसतर्फ सम्बन्धित निकायले खासै ध्यान नदिएको सर्वसाधारहरु बताउँदै आएका छन् । त्यसैगरी नो पार्किङको बोड राखेको ठाउँमा सिटीसफारी, मोटरसाईकल, अटो लगायतका गाडी पार्किङ गरेर राखेपनी इनरुवा नगरपालिकाबाट खटिएका नगर प्रहरीले त्यसतर्फ ध्यान नदिई आफ्नै धुनमा कोही मोवाईल खेलाउैदै त कोही पसलहरुमा बसेर गफ गर्दै बसिहेको देखिन्छन् ।
महिनौं बितिसक्दा पनि बजार क्षेत्र भित्रका सडक पेटीमा थुपारिएको मालसामान, निर्माण सामाग्री र अव्यवस्थित पार्किङ अझै सम्बन्धित निकायले हटाउँन सकेको छैन । इनरुवा मुख्य बजार क्षेत्रमा सिटी सफारी, अटोको चाप दिन प्रतिदिन बढ्दै गइरहेकोले सम्बन्धित निकायले व्यवस्थित पार्किङ तिर पनि ध्यान दिन आवस्यक रहेको छ ।
