सप्तरी । सुनसरीको दुहबीका उद्धवप्रसाद खतिवडाका सप्तरी कारागारमा मृत्यु भएको छ।
सप्तरी कारागारमा थुनामा रहेका खतिवडालाई पेट दुख्न थालेपछि उपचारका लागि अस्पताल पुर्याइएको थियो ।
उपचारको क्रममा खतिवडाको शुक्रबार बिहान सवा ११ बजे मृत्यु भएको कोइरालाले जानकारी दिए ।
‘बिहान ८ बजे पेट दुख्यो भनेपछि उपचारको लागि निजी क्लिनिकमा लगेका थियौँ,’ जेलर सुमन कोइरालाले भने, ‘क्लिनिकमै उनी बेहोस भए। खतिवडा बेहोस भएपछि उनलाई गजेन्द्रनारायण सिंह अस्पतालको इमर्जेन्सी वार्डमा भर्ना गरेका थियौँ ।
खतिवडाको हृदयाघातका कारण मृत्यु भएको चिकित्सकलाई उदृत गर्दै कोइरालाले जानकारी दिए।
सुनसरीको दुहबी– ४ का खतिवडा कागजात किर्ते गरी ठगी मुद्दामा ०७५ साउन १७ गतेदेखि पुर्पक्षका लागि कारागारमा थिए ।
