इनरुवा । राष्ट्रिय स्तरका पाँच दलिय गठवन्धनको जिल्ला स्तरीय बसेको बैठकले दुई वटा निर्णय गरेको छ । पाँच दलिय गठवन्धन सुनसरी जिल्ला स्तरीय बसेको बैठकले आइतवार दुई वटा निर्णय गरेको हो ।
नेपाली कांग्रेस सुनसरीका सभापति केदार भण्डारीको अध्यक्षतामा बसेको बैठकले दुई वटा निर्णय गरेको छ ।
नेपाली कांग्रेस पार्टी कार्यालय इनरुवा सुनसरीमा बसेको बैठकले माघ १२ गते हुन गइरहेको राष्ट्रिय सभा निर्वाचनमा गठवन्धनका उम्मेदवारहरुलाई मतदान गर्नुपर्ने निर्णय गरेको हो ।
राष्ट्रिय सभा निर्वाचनमा गठवन्धनका उम्मेदवारहरुलाई गठवन्धनबाट कुनै धोका नदिई एकजुट भएर मतदाताहरुलाई मतदान गर्नुपर्ने निर्णय गरेको हो ।
त्यसैगरी नेपाली कांग्रेस सुनसरी पार्टी कार्यालयमा माघ ३ गते सोमवार उम्मेदवारहरु प्रचार प्रसारका लागि आउने भएको हुदाँ आ–आफ्ना पार्टीका मतदाताहरुलाई अनिवार्य उपस्थितीका लागि अनुरोध गरिएको नेपाली कांग्रेस सुनसरीका सचिव बीरेन्द्र साहले जनाएको छ ।
त्यसैगरी जिल्ला स्तरीय गठवन्धनको बैठकले जनता समाजवादी पार्टी सुनसरीका अध्यक्ष भगिरथ खत्वे नेपाल सरकार मन्त्री परिषदको निर्णयबाट भूमि समस्या समाधान आयोग सुनसरीको अध्यक्षमा नियुक्त भएकोले गठवन्धनकोतर्फबाट हार्दिक बधाई तथा सफल कार्यकालको शुभकामना व्यक्त गरेको छ ।
गठबन्धनमा नेपाली काँग्रेस सुनसरीको सभापति केदार भण्डारी, नेकपा माओवादी केन्द्रका सुरेन्द्र मेहता, नेकपा एकिकृत समाजवादीका गोविन्द निरौला, जनता समाजवादी पार्टीका रविन राई, राष्ट्रिय जनमुक्ति मोर्चाका विशाल पहाडी सहभागि रहेका थिए ।
त्यसैगरी नेपाली काँग्रेस सुनसरीका उप सभापति पंकज महतो, सचिव विरेन्द्र कुमार साह, सदस्य बालसुधार परियार, नेकपा एकिकृत समाजवादीका बसन्त सुवेदी, नेकपा माओवादी केन्द्रका जिल्ला सदस्य श्याम गुरुङ्ग, ओके दाहाल र नेका सुनसरीका पूर्व सदस्य योगेन्द्र प्रसाद मेहता लगायतको सहभागितामा उक्त निर्णय भएको हो ।
