इनरुवा । भारततर्फ अवैध रुपमा गाँजा लैजादैं गरेको अवस्थामा एक सय केजी गाँजासहित तीनलाई सुनसरी प्रहरीले पक्राउ गरेको छ ।
सुनसरीको बर्जु गाउँपालिका वडा नं ५ तीनमुहान दक्षिण शाखा नहर डिलको बाटो हुँदै भारततर्फ लैजादैं गर्दा तिनमुहान भन्दा दक्षिण शाखा नहरको ७ नं ढोका नजिकबाट उनीहरुलाई सुनसरी प्रहरीले पक्राउ गरेको हो ।
पक्राउ पर्नेहरुमा भारतको बिहार राज्य कटहरिया जिल्ला देबीपुर १० घर बताउँने ५० बर्षीय जीतेन्द्र राय, सोही स्थान देविपुर १९ घर बताउँने २६ बर्षीय मिठ्ठु राय, पुर्णिया जिल्ला सरसी ३ घर बताउँने १९ बर्षीय पंकज महलदार रहेको जिल्ला प्रहरी कार्यालयका एसपी सञ्जयसिंह थापाले जानकारी दिएका छन् ।
शविनार राती ८ बजेको समयमा नहरको छेउबाट ५ वटा सेतो प्लाष्टिकको बोरामा सलको नाम्लो तथा काधमा बोकी दक्षिण भारततर्फ उनीहरु जाँदैं गर्दा सुराकको आधारमा प्रहरीले बरामद गरेको थियो ।
आ
इतबार जिल्ला अदालत सुनसरीमा म्याद थप गरि लागुऔषध नियन्त्रण ऐन २०३३ बमोजिम आवश्यक अनुसन्धान थालिएको एसपी थापाले जानकारी दिए ।
