इनरुवा । बहिरा हित तथा संरक्षण समाज इनरुवा सुनसरीको आयोजना र इनरुवा नगरपालिका आर्थिक सहयोगमा ४५ दिने नेपाली सांकेतिक भाषा तालिम उद्घाटनसँगै एक दिने नेतृत्व तथा संस्थागत विकास तालिम आइतवार सम्पन्न भएको छ ।
“सांकेतिक भाषाका साथ सबै जनाको समावेशीकरण” भन्ने नाराका साथ एक दिने नेतृत्व तथा संस्थागत विकास तालिम सम्पन्न भएको आयोजकले जनाएको छ । इनरुवा उद्योग वाण्ज्यि संघको सभाहलमा सो तालिम सम्पन्न भएको हो ।
दोभाषेहरुलाई डेढ महिने नेपाली सांकेतिक भाषा सम्वन्धी तालिम सुरु भएको छ । बहिरा हित तथा संरक्षण समाज इनरुवाले दोभाषेहरुलाई सांकेतिक भाषा सिकाउनका लागि तालिम आयोजना गरिएको जनाएको छ । इनरुवा नगर क्षेत्रभित्र रहेका दोभाषेहरुलाई नेपाली सांकेतिक भाषामार्फत बोल्नमा दक्ष बनाउनका लागि डेढ महिने तालिमबाट परिपक्क बनाउने लक्ष्य रहेको आयोजकले जनाएको छ ।
दोभाषेहरुलाई नेतृत्व विकास तालिम माफर्त सक्षम नागरिक बनाउनका लागि सहयोग पुग्ने समेत आयोजक संस्थाका अध्यक्ष मो.अरसद मियाँले जनाएका छन् । उनका अनुसार इनरुवा नगर क्षेत्रभित्र रहेका दोभाषे व्यक्तिहरुको नैसर्गिक अधिकारलाई प्रयोग गर्नका लागि तालिमले मदत पुग्नेछ ।
कार्यक्रममा प्रमुख अतिथि इनरुवा उद्योग वाणिज्य संघका अध्यक्ष वीरेन्द्र साहले बहिरा हित तथा संरक्षण समाज इनरुवा सुनसरीले आयोजना गरेको तालिम र डेढ महिने नेपाली सांकेतिक भाषा तालिम आवश्यक रहेको बताए । दोभाषेहरुलाई उच्च शिक्षा हासिल गर्नुपर्नेमा उनले जोड दिदै दोभाषेहरुको समान सहभागिता हुनुपर्ने बताए ।
नेपाली कांग्रेस सुनसरीका सचिव समेत रहेका साहले इनरुवा नगरका नागरिक भएकाले बोल्न सक्ने जतिकै अधिकार उनीहरुको पनि भएकोले सम्वन्धित निकायमा अधिकारका लागि आवाज उठाउनुपर्ने बताए ।
प्रमुख अतिथि साहले कान नसुन्ने, बोल्न नसक्ने, दृष्टिबिहिन लगायतका व्यक्तिहरुलाई शिक्षा,स्वास्थ्य, संचार, रोजगारी, न्याय, राजनीति र सांस्कृति क्षेत्रमा पहुँच नरहेकोले अबका दिनमा यस क्षेत्रमा उनीहरुको समेत समान पहुँच हुनुपर्नेमा जोड दिए । उनीहरुलाई पनि रोजगारीको ग्यारेन्टी हुनुपर्ने र राज्यले भेदभाव नगरीकन सेवा सुविधाहरु उपलब्ध समयमै गराउनुपर्नेमा साहले जोड दिएका थिए ।
बहिरा हित तथा संरक्षण समाज इनरुवा सुनसरीको अध्यक्ष मो अरसद मियाँको अध्यक्षतामा सम्पन्न भएको सो तालिममा सुजिता शर्माले सहजीकरण गरेका थिए । इनरुवा नगरपालिकाका १ नम्बर वडाका वडाध्यक्ष रामचन्द्र पौदार तथा गोविन्द दाहालले उनीहरुको हकहितका लागि सबैले आवाज उठाउनुपर्नेमा जोड दिदै आफुहरुले सक्दो सहयोग गर्न तयार रहेको बताए ।
कार्यक्रम सफल बनाउन प्रमुख अतिथि, विशेष अतिथि लगायत अतिथिहरु, दोभाषे, कार्यक्रम सहभागीहरु र सम्पुर्ण सहयोगी मनहरुमा प्रत्यक्ष र अप्रत्यक्षरुप सहयोग गरेकोमा आयोजक संस्थाका अध्यक्ष मियाँले धन्यवाद ज्ञापन समेत गरेका छन् ।
