सुकदेब चौधरी
इनरुवा । सुनसरीको भोक्राहा नरसिंह गाउँपालिकाले गरिब तथा विपन्न परिवारको स्वास्थ्यमा पहुच पुर्याईनका लागि ३ सय ५० जना घरपरिवारका सदस्यहरुलाई निःशुल्क स्वास्थ्य बिमा कार्ड वितरण गरेको छ ।
स्वास्थ्य सेवाबाट बंचित भई अकालमा कसैको ज्यान नजाओस र स्वास्थ्य सेवामा सहज पहुचका पुग्नका लागि निशुल्क स्वास्थ्य बिमा कार्यक्रम अन्तर्गत निशुल्क कार्ड वितरण गरिएको गाउँपालिकाका अध्यक्ष अजमल अख्खतर आजादले जानकारी दिनुभयो ।
गाउँपालिकाले आफ्नो कार्यक्रम अन्तरगत तेस्रोपटक अति गरिव तथा विपन्न परिवारलाई गाउँपालिकाको सभा हलमा एक कार्यक्रमको आयोजना गरेर विमा कार्ड वितरण गरेको जनाएको छ ।
स्थानीय निर्वाचनको समयमा भोक्राहा नरसिंह गाउँपालिकामा नेपाली काङ्ग्रेसका तर्फबाट उमेदवार भएकाहरुले चार सय जना घरपरिवारको नि:शुल्क स्वास्थ्य विमा गर्ने प्रतिबद्धता अनुसार विमा कार्ड वितरण गरेको अध्यक्ष आजादले जानकारी दिनुभयो ।
गाउँपालिकाले पहिलोपटक वडा नम्बर ३ का ५० जना घरपरिवार, दोस्रोपटकमा वडा नम्बर २ र ४ का १५० जना घरपरिवार, तेस्रोपटकमा १५० परिवार गरि ३५० घरपरिवारका सदस्यहरुलाई नि:शुल्क स्वास्थ्य विमा कार्ड वितरण गरिएको गाउँपालिकाका स्वास्थ्य विमा संयोजक असफाक आलमले जानकारी दिनुभयो । यहाँ बाँकी रहेका ५० जना घरपरिवारलाई असार महिनाको दोस्रो हप्तामा कार्ड वितरण गर्ने स्वास्थ्य विमा संयोजक आलमले बताउनुभयो ।
स्वास्थय विमा कार्ड वितरण कार्यक्रममा अध्यक्ष अजमल अख्तरले स्वास्थ्य उपचार हुनबाट कोही पनि बन्चित नहोस् र कसैको उपचार नभर अकालमा मृत्यु नहोस भनेर विमा गरिदिएको बताउनुभयो । उहाँले भोक्राहा नरसिंह गाउँपालिकाले स्वास्थय,शिक्षा र कृषिलाई पहिलो प्राथमिकतामा राखेर काम गरेको बताउनुभयो ।
कार्यक्रममा भोक्राहा नरसिंह गाउँपालिका प्रमुख प्रसासकिय अधिकृत सुवर्ण घिमिरे ,उपाध्यक्ष सुनिता उराँव, वडा नम्बर २ का वडा अध्यक्ष आलम अन्सारी, वडा नम्बर ८ का वडा अध्यक्ष उस्मान अन्सारी ,स्वास्थय शाखाका हिरालाल साह र स्वास्थ्य विमितहरुको उपस्थिति रहेकोे थियो ।
