सुनसरी । सुनसरी निर्वाचन क्षेत्र नम्बर-४ का प्रतिनिधिसभा सदस्य उम्मेदवार पुर्व मन्त्री ज्ञानेन्द्र बहादुर कार्कीले सेवा गर्न राजनीतिमा आएको बताउनुभएको छ ।
चुनावी अभियान कार्यक्रमलाई सम्बोधन गर्नुहुँदै पुर्व मन्त्री कार्कीले बिना स्वार्थ राजनीतिबाट सुनसरी क्षेत्र नम्बर-४ मा आफ्नो कार्यकालमा जनतालाई सेवा गर्दै आएको बताउनुभयो ।
सुनसरी क्षेत्र नम्बर-४ मा आउनु भन्दा पहिले र आफू निर्वाचित भएपछि अहिले क्षेत्रमा धेरै फरक रहेको जिकिर गर्नुहुँदै कार्कीले जनताको चाहना अनुसार विकासका गतिविधिलाई अघि बढाएको बताउनुभयो ।
२०७९ को निर्वाचनमा मतदाताहरुसङ्ग मत माग्ने क्रममा प्रदेशसभाका उम्मेदवारलाई पनि मत दिएर जिताउनुस प्रदेशको मन्त्री बनाउछु भनेर प्रतिवद्द्ता गरेको थिए ।
कार्कीले भन्नुभयो, कोशी प्रदेश सरकारमा प्रदेशसभा सदस्यहरु सदानन्द मण्डल र इस्राइल मन्सुरीलाई मन्त्री बनाएको छु ।´ जे बोल्छु, त्यो पूरा गर्छु, गफ दिने काम गर्दिन । सम्भव हुने जति मात्र जनतामाझ बोल्छु र पूरा गर्छु उहाँले भन्नुभयो, मैले गरेका सबै वाचाहरु पूरा नभएपनि ८० प्रतिशत भन्दा बढी बोलेको कुरा पूरा गरेको छु ।´
राजनीति संस्कार भएको व्यक्ति हुँ, त्यसैले थोरै बोल्छु, धेरै काम गरेर देखाउछु र विकासका कामहरु गरेर क्षेत्रलाई परिवर्तन गरेको छु । अब केही बाँकी कामलाई पूरा गर्नका लागि तेस्रोपटक उम्मेदवार बनेको छु । सबैले आशीर्वाद दिई रुख छापमा मतदान गरि अन्तिम पटक निर्वाचित गराउन सबै मतदातालाई आग्रह पनि गर्नुभएको छ ।
अगामी फागुन २१ गते प्रतिनिधिसभा सदस्यको निर्वाचनमा अत्यधिक मत दिई विजयी बनाउन उहाँले अनुरोध गर्दै अरुको हल्ला पछाडि नलाग्न र विकासप्रेमी नेतालाई जिताउनु पर्ने आजको आवश्यकता भएको जिकिर गर्नुभयो ।
