इनरुवा । सुनसरीको इनरुवामा ट्राफिक प्रहरी कार्यालय इनरुवाले आधा दजर्न मोटरसाइकल साँगलो लगाएर नियन्त्रणमा लिएको छ ।
राष्ट्रसेवक बहुमुखी सहकारी संस्था लिमिटेड इनरुवाको २२ औं साधारण सभामा भाग लिन आएका सरकारी कर्मचारीहरुले बिदाको दिन मोटरसाईकल प्रयोग गरेको हुनाले ट्राफिक प्रहरी इनरुवाले साँगलो लगाएर नियन्त्रणमा लिएको हो ।
सरकारी कर्मचारीहरुले सरकारी मोटरसाईकल दुरुपयोग गरेको भन्दै ट्राफिक प्रहरीले नियन्त्रणमा लिएको ट्राफिक प्रहरी इनरवाका प्रमुख दिनेश कुमार चौधरीले बताएका छन् ।
मोटरसाइकल नम्बरहरु प्रदेश–१–०२,००१ ब २६२९, को १ ब १६५२, को १ ब २५७०, प्रदेश १–०२,००१ ब् २९८४, को १ ब ९९३, को १ ब २४९५ र बा १ झ ८९९६ नम्बर चार चक्के गाडीलाई समेत ट्राफिक प्रहरीले साँगलो लगाएर नियन्त्रणमा लिएको इनरुवा ट्राफिक प्रहरी प्रमुख चौधरीले जनाएका छन् ।
ट्राफिक प्रहरी प्रमुख चौधरीका अनुसार नियन्त्रणमा लिएर मोटसाईकल र चारचक्के गाडी सहित सरकारी प्लेट भएको र शनिवार बिदा भएको दिन दुरुपयोग गरेको हुदाँ नियन्त्रणमा लिएको हो ।
जिल्ला प्रशासन कार्यालय सुनसरी र जिल्ला प्रहरी कार्यालय सुनसरीको निर्देशन अनुसार आफूहरुले अगाडिको कदम चाल्ने ट्राफिक प्रहरी प्रमुख चौधरीको भनाई छ ।
६ वटा मोटरसाईकल र १ वटा चारचक्के गाडी गरेर जम्मा ७ वटा सरकारी रातो प्लेट नम्बर भएकाहरुले बिदाको दिन लिएर राष्ट्रसेवक बहुमुखी सहकारी संस्था लिमिटेड इनरुवाको २२ औं साधारण सभामा सहभागि भएकाले साँगलो लगाएर नियन्त्रणमा लिएको बताइएको छ ।
ट्राफिक प्रहरी कार्यालय इनरुवाले राष्ट्रसेवक बहुमुखी सहकारी संस्था लिमिटेड कार्यालय इनरुवाको पश्चिम पट्टी रोडको साइडमा साँगलो लगाएर नियन्त्रणमा लिएको बुझिएको छ ।
