हरिनगर । सुनसरीको हरिनगर गाउँपालिकाका अध्यक्ष गफार अन्सारी मियाँले कोरोना रोकथाम र नियन्त्रण गर्नका लागि माइकिङ्ग सहित वडा अनुगमन गरेका छन् ।
जिल्ला प्रशासन कार्यालय सुनसरीले जेठ १ गतेदेखी १५ गतेसम्म जिल्लाभरी निषेधाज्ञा लागू गरेपछि हरिनगर गाउँपालिकाका अध्यक्ष अन्सारी सहितका जनप्रतिनिधि,सुरक्षाकर्मी र सञ्चारकर्मीले शनिवार पालिकाभित्र रहेका वडाहरुमा सचेतना फैलाउँदै अनुगमन गरेको हो ।
कोरोनाको उच्च जोखिम बढ्दै गएको बेला पालिकाका अध्यक्ष अन्सारीको नेतृत्वमा पालिकाभित्र रहेका वडा नम्बरहरु १,२,४,५, ६ र ७ नम्बर वडाहरुमा माइकिङ्ग गर्दै कोरोनाको महामारीमा सर्वसाधारणहरुलाई घरमै बस्न आग्रह गर्दै निषेधाज्ञालाई पूर्ण रुपले पालना गर्न उनले अनुरोध समेत गरेका छन् ।
हरिनगर गाउँपालिका भारतीय सीमासँग जोडिएको पालिका भएकाले सो क्षेत्रका सर्वसाधारणहरुलाई सचेतना जगाउँदै यस्तो विषम परिस्थितीमा कोरोनाबाट जोगिनका लागि घरमै बस्न अध्यक्ष अन्सारीले गाउँटोल वडाका सर्वसाधारणहरुलाई अनुरोध गर्दै लकडाउनमा आवतजावत नगरी सुरक्षाकर्मीहरुलाई सहयोग गर्नुपर्ने बताए ।
भारतीय सीमासँग जोडिएको हरिनगर गाउँपालिका वडा नम्बर २,५,६ र ७ वडाका जनताले यस्तो परिस्थितीमा सरकारले आह्वान गरेको लकडाउनलाई सफल बनाउन सबैको दायित्व भएकोले प्रहरी प्रशासनलाई दुःख नदिई सहयोग गरी निषेधाज्ञालाई सफल बनाई सुरक्षित रहन उनले अनुरोध गर्दै अध्यक्ष अन्सारीले आफै गाउँ वडामा पुगेका थिए ।
जिल्ला प्रशासन कार्यालय सुनसरीले आह्वान गरेको निषेधाज्ञा शनिवार पहिलो दिन भएकोले यस क्षेत्रमा पूर्ण रुपमा सशस्त्र प्रहरी र जनपथ प्रहरीले कडाई गरिएको थियो ।
पालिकाका अध्यक्ष अन्सारीले आफै एक्सनमा उत्रिएपछि पालिकाभित्र सबै मुल सडकहरुमा प्रहरीले सर्वसाधारणहरुलाई पूर्ण रुपमा आवतजावतमा रोक लगाइएको थियो । कोरोनाको जोखिम दिनप्रतिदिन बढ्दै गईरहेको बेला पालिकाका अध्यक्ष अन्सारीले जनताको सुरक्षाको लागि सचेतना जगाउँदै पालिकाभित्र अनुगमन गरिएको बताए ।
हरिनगर गाउँपालिकाको भारतीय सीमावर्ती क्षेत्रबाट नेपाल प्रवेशमा रोक लगाउन अध्यक्ष अन्सारीले सशस्त्र र जनपथ प्रहरीलाई कडा निर्देशन समेत दिइएको छ । निषेधाज्ञा अपहेलना गर्ने जोसुकैलाई कार्वाही गर्न अध्यक्ष अन्सारीले सशस्त्र र जनपथ प्रहरीलाई निर्देशन दिएका छन् ।
पालिकाभित्र रहेको सशस्त्र प्रहरी र जनपथ प्रहरीलाई परिचालन गरिएको उनले बताए । पालिकाका अध्यक्ष अन्सारीले शनिवार अनुगमन गर्न आफनो टिम सहित वडा वडामा पुगेका थिए । उनका अनुसार शनिवारदेखी जेठ १५ गतेसम्म पूर्ण रुपमा कडाई गरिनेछ । १५ दिनसम्म पालिकाका जनतालाई कोरोना रोकथाम तथा नियन्त्रणका लागि आ–आफनो ठाउँमाबाट सहयोग गर्न समेत अपिल गरेका छन् ।
पालिकाभित्र कोरोना संक्रमण भेटिएका व्यक्तिहरुलाई भुटाहाको आइसोलेशन केन्द्रमा पठाउन उनले अनुरोध समेत गरे । कोरोना लागेको आंशंका भए आ–आफना वडाका जनप्रतिनिधिहरुसँग सम्पर्क गरी पीसीआर परीक्षणका लागि तोकिएको मितिमा आउन उनले समेत आग्रह गरेका छन् ।
वडा अनुगमन गर्ने क्रममा सर्वसाधारणहरुलाई पालिकाका अध्यक्ष अन्सारीले मास्क समेत वितरण गरेका छन् । सर्वसाधारणहरुलाई मास्कको प्रयोग गरौ, सामाजिक दुरी कायम गरौं र सेनिटाइजरको प्रयोग गर्न उनले अनुरोध समेत गरेका थिए ।
