इनरुवा । कोरोना विरुद्ध कुशवाहा राहत संकलन र वितरण गर्ने अभियान प्रभावकारी बन्दै गएको छ । “सके सहयोग गरौ, नसके घरमै सुरक्षित बसौ” भन्ने मूल नाराका साथ कोरोना विरुद्ध कुशवाहा राहत संकलन तथा वितरण समितिको संयोजक गुनानन्द महतोको नेतृत्वमा अभियान प्रभावकारी बन्दै गएको हो ।
कुशवाहा युवाहरुको प्रयासले राहत संकलन र वितरण कार्यलाई निरन्तरता दिदै कोरोनाको महामारीमा चपेटामा परेका र दुःख पीडामा रहेका व्यक्तिहरुलाई राहत वितरण गर्ने तथा सहयोगी दाताहरुको खोजी गरी सहयोग लिने अभियान अन्तरगत यस समितिले केहीदिनदेखी निरन्तर कार्य गर्दै आएको छ ।
महाअभियानलाई सफल बनाउन कुशवाहा समाज मलेसियाबाट १० हजार रुपैयाँ बराबरको खाद्यान्न सामाग्री किन्न सहयोग गरिएको थियो । त्यसैगरि अभियानमा अरुण मेहताले १८ सय बराबरको माक्स र सेनिटाईजर सहयोग गरेका थिए । अर्का अभियन्ता मनिक मेहताले २ हजार बराबरको मास र सेनिटाईजर पनि सहयोग गरेका थिए ।
समिति सदस्य रुपक मेहताले यो विषम परिस्थितिमा समाजका हरेक ब्यक्ति खुशीका साथ सहयोग गरिरहेको बताए । कोरोनाको जोखिम उच्च भएको बेलापनि सहयोगी हातहरुले सहयोग गर्दै गरेकोले यस महाअभियानलाई सहज भएको र समितिका पदाधिकारीहरुको मनोवल उच्च भएको उनले बताए ।
समितिका संयोजक गुनानन्द महतोले यस महाअभियानलाई हरेक जिल्लामा पुर्याउने लक्षय लिएको बताए । महाअभियानलाई सफल बनाउन सबैले आ–आफनो ठाउँबाट सहयोग गर्नुपर्नेमा उनले जोड दिए । “सके सहयोग गरौ, नसके घरमै सुरक्षित बसौ” अभियानकै नारा दिएर बिराटनगर लगायतका ठाउँमा सुरु गरेको उनले बताए । संयोजक महतोले कोरोना संक्रमित हुने संख्या प्रत्येक दिन बढ्दै गएको हुनाले सजग र सचेत रहन अनुरोध गरे । महाअभियानले धेरैलाई राहत मिल्ने उनले बताए । हामी अभियानलाई निरन्तरता अगाडी बढेका छौ, उनले भने ।
कोरोना विरुद्ध कुशवाहा राहत सङ्कलन तथा बितरण समितिको उपसमितिहरु मोरङ , सुनसरी , सप्तरी , महोत्तरी लगायतका विभिन्न जिल्लामा निर्माण हुने कार्य जारी रहेको समिति संयोजक महतोले जानकारी दिए ।
राजीव मेहताको नेतृत्वमा कोरोना विरुद्ध रक्तदान हाम्रो अभियानको उपसमिति पनि निर्माण गरिएको छ । कोरोना महामारीको बेला मुलुकमा रगत अभावका कारण ज्यान जानेको संख्या बढ्दै गएको बेला यस अभियानले सहयोग गर्ने संयोजक महतोले बताए । रगत चाहिएको खण्डमा समर्पक गर्न सबैलाई अनुरोध गरेका छन् ।
रगतको आवश्यकता परेको खण्डमा संयोजक गुनानन्द महतो ९८४९२७०२८०,९८०३६२६२७१, सदस्यहरु रुपक मेहता ९८०२७७०३३४, राजिव मेहता ९८०७३२९१३७, श्यामदेव मेहता ९८१९३६६८७५, मङ्गल मेहता ९८५२०४८०७९ को नम्बरहरुमा कुनै बेला पनि समर्पक गर्न सक्ने समितिले जनाएको छ ।
