राजविराज । राष्ट्रपति जस्तो संस्थाका बारेमा तुच्छ र अमर्यादित शब्द र व्यवहार गरिरहेकाप्रती नेकपा (एमाले ) नेतृ तथा दोस्रो संविधानसभा सदस्य रन्जु झा ठाकुर आपत्ति व्यक्त गर्नुभएकी छिन।
आज उहाँले आफ्नो फेसबूकमा स्टाटस लेख्दै केहि लोकतन्त्रवादी,गणतन्त्रबादी र संविधानका हिमायती तथाकथित नेता र विद्वान भनाउँदाहरुको तुच्छ र अमर्यादित शब्द र व्यवहार सुनेर आपत्ति प्रकट गर्नुभएकी हुन।
“संविधान निर्माताहरु मध्येको म पनि एक भएकी नाताले यति भन्न चाहन्छु ‘राष्ट्रपतिले गल्ती गर्दैनन’ भन्ने मान्यतामा आधारित हाम्रो संविधान हो! ‘ King can do no wrong’ को बेलायती अभ्यासलाई हामीले अपनाएका हौ ! राष्ट्रपतिलाई आफ्नो तजविजमा होईन, अनिवार्यत: अन्य कुनै निकाय वा पदाधिकारीको सिफारिसमा काम गर्ने संवैधानिक अख्तियारी मात्र प्रयोग गर्न दिएका छौ ! संविधानको पालना गर्नु, संविधानको दायरा भित्र बसी अध्यादेश जारी गर्नु, संसद बिघटन गर्नु आदि कार्यका लागि राष्ट्रिपतिको अशोभनिय आलोचना हुनु खेदजनक र आपत्तिजन कार्य हो” भन्नुभएको छ।
साथै उहाँले सम्मानीत व्यक्ति वारेमा गलत र अपशब्द बोल्ने लेख्ने जो सुकैलाई कानूनको कठघारामा उभ्याउनु पर्छ ! देशका चेतनशील जनताको अदालतले निश्चितरूपमा को सहि र को गलतको फैसला गर्ने नै छन ! केवल जनतालाई सहि सूचना र जानकारी चाहिन्छ ! भ्रामक र असत्य सूचना र जानकारी होईन समेत भन्नुभएको छ।
पछिल्लो विकसित राजनीतिक घटनाक्रमले सरकारको सिफारिसमा संसद विघटन गर्ने राष्ट्रपतिको आलोचना गरिरहेका बिपक्षी राजनीति दलकालाई लक्षित गरेर यस्तो स्टाटस लेखिएको हो।
