इनरुवा । एक महिना अघि १५ वर्षिया नाबालिकालाई जवरजस्ती करणी गरी फरार रहेका एक युवकलाई सुनसरी प्रहरीले पक्राउ गरेको छ ।
गत जेठ महिनाको ३ गते गते १५ वर्षिया नाबालिकालाई करणी गरी फरार रहेका सुनसरी इनरुवा नगरपालिका–९ वस्ने ३४ वर्षिय प्रमोद मेहतालाई सुनसरी प्रहरीले पक्राउ गरेको हो ।
जिल्ला प्रहरी कार्यालय सुनसरीमा मेहतामाथि जबरजस्ती करणीको मुद्धा दर्ता भएको थियो । मेहता आफनो घर छाडेर अन्यत्र बस्ने गरेको गोप्य सूचनाको अधारमा सुनसरी प्रहरीले मंगलवार गढी गाउँपालिकाबाट उनलाई पक्राउ गरेको हो ।
मेहता विरुद्ध जिल्ला प्रहरी कार्यालय सुनसरीमा मिति २०७८।०२।२४ गते जबरजस्ती करणी सम्बन्धि मुद्धा दर्ता भई सुनसरी जिल्ला अदालतबाट पक्राउ पुर्जी जारी भएको थियो ।
पक्राउ परेका प्रमोद मेहतालाई मंगलवार जिल्ला अदालत सुनसरीबाट म्याद थप गरी आवश्यक अनुसन्धानलाई अगाढी बढाइएको सुनसरी प्रहरीले जनाएको छ ।
