पिडितहरुको समस्या समाधान गर्नु नै प्रमुख जिम्मेवारी हो : अध्यक्ष अन्सारी

इनरुवा । सुनसरीको कोशी गाउँपालिकाका अध्यक्ष ऐयुब अन्सारीले कोशी टप्पु वन्य जन्तु आरक्ष पश्चिम कुशाहाबाट सिजृत हुने समस्याको दिर्घकालिन समाधान गर्न आफनो प्रमुख जिम्मेवारी भएको बताएका छन् ।
कोशी टप्पु वन्यजन्तु आरक्षबाट निस्कने जंगली हाती, अर्ना र बदेल लगायतको जनावरहरुको आतंकबाट स्थानीय जनता क्रसित बन्दै गएकोले समस्या समाधान गर्न आफनो प्रमुख जिम्मेवारी भएको बताएका हुन् ।
स्थानीय तहको निर्वाचनमा कोशी गाउँपालिकाको अध्यक्ष पदमा चुनाव लड्दै गर्दा चुनावी घोषणा पत्र अनुसार कामहरुलाई बिशेष प्राथमिकतामा राखेको अध्यक्ष अन्सारीले बताए । यस पालिकाभित्र रहेको आरक्षभित्र पर्यटन व्यवसायको प्रर्वद्धनका लागि आवश्यक कामहरु संचालन गरेको उनले बताउँदै यस क्षेत्रमा भएको जंगली जनावरको आतंक र जनधनको क्षतिप्रति कैयौ पटक सुनसरी प्रशासनको ध्यानाकर्षण गराएको बताए ।
आरक्ष प्रशासनबाट हुने गरेको सोलार फेन्सिङ्ग सम्वन्धमा स्थानीयबासीसँग सुझाव,परामर्श संकलन गर्ने कार्यलाई निरन्तरता दिदै कार्यान्वयनको बाटो पनि खोज्दै आएको अध्यक्ष अन्सारीले बताए । सोलार फेन्सिङ्गबाट जनताले सुरक्षाको प्रत्याभूति गर्न नसकेको निष्कर्ष निकाल्दै अब आरक्षमा टे«न्च निर्माण गर्ने कार्यलाई प्राथमिकता दिने र बजेट बिनियोजन भएकोले केही महिनामा काम सूचारु गर्नुपर्नेमा सुरसेर दैनिक सँगको कुराकानीमा बताए ।
कोशीका अध्यक्ष अन्सारीका अनुसार छैठौं गाउँ सभाको निर्णय अनुसार आरक्षलाई निकुञ्ज बनाउने जोडदार माग गरेपछि कार्यान्वयन प्रक्रिया अगाडी बढेको हो । उनले भने, ‘२०७८ भदौ ३ गते वन तथा वातावरण मन्त्रालयमा ३२ वटा योजनाहरु सहित आरक्षलाई निकुञ्ज बनाउन कोशी गाउँपालिकाले दर्ता गराइएको र दर्ता नम्बर ५७० रहेको छ ।’
कोशीका अध्यक्ष ऐयुव अन्सारीले जंगली जनावर बाहिर निस्किन नदिन ठोस समाधान निकाल्न आरक्षको चारैतिर टे«न्चको निर्माण गर्न दवाव दिएपछि कानुन न्याय तथा संसदीय मामिला मन्त्री ज्ञानेन्द्रबहादुर कार्कीले टे«न्च निर्माणका लागि एक करोड ५० लाख बजेट विनियोजन गरेको बताएका थिए ।
जंगली जनावरको आक्रमणबाट मर्ने व्यक्तिको परिवारलाई २५ लाख क्षतिपुर्ती दिनुपर्ने व्यवस्था नेपाल सरकारले गर्नुपर्ने,घाइते हुने व्यक्तिको आजिवन निःशुल्क उपचारको सुनिश्चितता आरक्ष प्रशासनले गर्नुपर्ने, ज्यान गुमाउने तथा घाइतृ हुने परिवारका सदस्यबाट कम्तिमा एकजना व्यक्तिलाई रोजगारीको व्यवस्था सरकारले मिलाउनुपर्ने कोशीका अध्यक्ष अन्सारीले माग गरेका छन् ।
त्यसैगरी जनावरको आक्रमणबाट घर भत्किदा प्रति घर कम्तिमा ५० हजार र सो भन्दाबढी क्षति भएमा क्षतिको मूल्यांकन गरेर क्षतिपूर्ती उपलब्ध सरकारले गराउनुपर्ने, नेपालकै पहिलो सिमसार क्षेत्र, अर्नाको बासस्थान, चराचुरुङ्गीको लागि प्रसिद्ध यस आरक्षमा पर्यटक आकर्षण बढाउनका लागि आरक्षलाई निकुञ्जमा परिणत गर्न आवश्यक रहेको माग समेत उनले गरेका छन् ।
आरक्ष राजस्व वापत संकलन गरेको रकममा स्थानीय सरकारको निश्चित अंश पाउने व्यवस्था हुनका लागि कानुन संशोधन हुनुपर्ने माग सहित ११ बुदें मागको प्रतिवेदन अध्यक्ष अन्सारीले प्रस्तुत गर्दै मागहरुलाई वेवास्ता नगरी कार्यान्वयन गर्नका लागि सरकारलाई आग्रह समेत गरेका छन् ।