सुरसेर दैनिकको अनुगमनमा

भोक्राहा । नेपाल रेडक्रस सोसाइटी उपशाखा भोक्राहा नरसिंह विपद आउनुभन्दा अघि नै के कस्तो तयारी अवस्था छ ?सुरसेर टिमले अनुगमन गरेका छन् ।
सुरसेर रािष्टय दैनिक टिमले अनुगमन गर्ने क्रममा नेपाल रेडक्रस सोसाइटी उपशाखा भोक्राहा नरसिंहको कार्यालयमा अनुगमन गर्दा विपद आउनुभन्दा अघिदेखी नै राहत समाग्री तयारी अवस्थामा राखिएको पाइएको हो ।
नेपाल रेडक्रस सोसाईटी उपशाखा भोक्राहा नरसिंहका अध्यक्ष युवराज दाहालका अनुसार विपद आउनुभन्दा अघिदेखी राहत समाग्री स्टोर गरेर राखेको छु । आगलागी, बाढी पीडित लगायतका विपदको समयमा राहत समाग्री खोज्नुभन्दा पहिलेदेखी कार्यालयमा राहत समाग्री तयारी अवस्थामा राखिएको उनले बताए । कार्यालयमा २० जना परिवारलाई पुग्नेगरी राहत समाग्री राखिएको नेपाल रेडक्रस सोसाइटी उपशाखाका अध्यक्ष दाहालले जानकारी दिए । आगलागी भएको एक घण्टाभित्र रेडक्रस भोक्राहाले राहत समाग्री लिएर अग्निपीडितको घरमा पुगेर राहत समाग्री हस्तान्तरण गर्ने गरेको उनले बताए ।
एक पोकामा राहत समाग्रीहरुमा २ वटा कम्मल, १ वटा त्रिपाल, १ वटा साडी, कुर्ता सुरुवाल १ सेट, सर्टपेन्टको कपडा १ सेट, प्लाष्टिकको बाल्टिन १ थान, ६ वटा स्टील ग्लास र थाल सेट लगायतको राहत समाग्री एक परिवारलाई उपलब्ध गराउँदै आएको अध्यक्ष दाहालले जानकारी दिए ।
नेपाल रेडक्रस सोसाइटी भोक्राहा नरसिंह उपशाखाले जनताको सेवामा समर्पित रहेकोले विपदको समयमा आवश्यक समाग्री सहित सहयोग गर्दै आएको उनले बताए । सेवा नै धर्म हो भन्ने नाराका साथ स्थानीय पीडित जनतालाई आहतमा राहत दिने कार्यमा अग्रसर भएको उनको भनाई छ ।