इनरुवा । सुनसरीको इनरुवा नगरपालिका–८ का एक जना लामो समयदेखी टयुमरबाट ग्रसित भएर उपचारको अभावमा घरमा छटपटाईरहेको बेला इनरुवा–२ का समाजसेवी तथा युवा नेता मनोज मेहताले ५० हजार अािर्थक सहयोग गरेका छन् ।
स्थानीय तहको निर्वाचनमा युवा नेता तत्कालिन मधेशी जनअधिकार फोरम नेपालबाट इनरुवा नगरपालिका नगर प्रमुखका प्रत्यासी उम्मेदवार थिए । नेता मेहता लण्डनमा बसेपनि सामाजिक कार्यमा सहयोग गर्दै आएको बेला इनरुवा–८ का श्याम सदा लामो समयदेखी टयुमर पीडित भएर उपचारको अभावका कारण घरमा छटपटाइरहेको बेलामा उनले ५० हजार नगद सहयोग गरेका छन् ।
इनरुवा–८ का टयुमर पीडित श्याम सदालाई युवा नेता मेहताले ५० हजार नगद सहयोग गरेपछि बिहिवार उपचारका लागी भरतपुर क्यान्सर अस्पताल पुगेका छन् । यसअघि श्याम सदा रकम अभावका कारण भरतपुर क्यान्सर अस्पतालबाट फिर्ता आएर घरमा टयुमरबाट ग्रसित भएर घरमै बसिरहेका थिए ।
इनरुवाका सामाजित अभियन्ता तथा इनरुवा अस्पताल सुधार संघर्ष समितिका संयोजक दिलिप चन साहुको पहलमा पुर्वकृषी राज्यमन्त्रीका छोरा मनोज मेहताले उनको घरमा पुगेर उपचार गर्नका लागि नगद ५० हजार रुपैयाँ सहयोग गरेपछि उपचार गर्नका लागि भरतपुर क्यान्सर अस्पताल बिहिवार पुगेका हुन् ।
सुनसरीका प्रमुख जिल्ला अधिकारी इन्द्रदेव यादवले उपचार गर्नका लागि भरतपुर क्यान्सर अस्पतालसम्म पुग्नका लागि एम्बुलेन्सको व्यवस्था मिलाईदिएको बताए । गरिव तथा विपन्न परिवारका सदालाई उपचार गर्न सहज हुने उद्देश्यले अस्पतालसम्म पुग्नका लागि एम्बुलेन्सको व्यवस्था मिलाइदिएको उनले बताए । दलित समुदायका सदाको आर्थिक अवस्था कमजोर भएका कारण उपचार गर्न समस्या भएकोले लामो समयदेखी टयुमरबाट ग्रसित हुन पुगेकोले सहयोग गरेको उनीहरुको भनाई छ ।
इनरुवा अस्पताल सुधार संघर्ष समितिका संयोजक साहुले उपचारमा चाहिने सम्पुर्ण खर्च आर्थिक सहयोग जुटाएर सहयोग गर्ने प्रतिवद्धता व्यक्त गरेका छन् ।
सामाजिक अभियन्ताहरु रन्जित मालाकार, धिरेन्द्र मण्डल, महेश्वर मेहता, मनोज कुवँर, दिपेन्द्र साह, गोंगाई सदा लगायतका सामाजिक अभियन्ताहरुको सहयोगमा श्याम सदाको उपचारको लागि सहयोग जुटाउन अहम भुमिका रहेको छ । इनरुवा–८ को टयुमर पीडित श्याम सदाले आफनो उपचारको लागी सहयोगी हातहरुलाई धन्यवाद व्यक्त गरेका छन् ।
यस अघि इनरुवा–२ का एक क्यान्सर पीडितलाई समेत १५ हजार नगद सहयोग उपलब्ध गराउन संयोजक साहुले भुमिका निर्वाह गरेका थिए ।
