इनरुवा । नेपाली कांग्रेस इनरुवा नगर कार्यसमितिले इनरुवाका दिलिप चन साहुलाई कार्वाही गर्न माग गरेको छ । इनरुवा अस्पताल सुधार संघर्ष समितिका संयोजक दिलिप चन साहुले सामाजिक संजालमा इनरुवा नगरपालिकाका नगर प्रमुख तथा नेपाली कांग्रेस इनरुवा नगरका सभापति राजन मेहतालाई कालो मासो दल्ने र जुताको माला लगाउने अभिव्यक्तिप्रति इनरुवा कांग्रेसको गम्भिर ध्यानाकर्षण भएको छ ।
नेपाली कांग्रेस इनरुवा नगर कार्य समिति सुनसरीले प्रेस विज्ञप्ति जारी गर्दै संघर्ष समितिका संयोजक साहुलाई कार्वाही गर्न जिल्ला प्रशासन कार्यालय सुनसरीसँग जोडदार माग गरेको छ । साहुले नगर प्रमुख मेहताविरुद्ध अपशब्द प्रयोग गरि भौतिक कार्वाही गर्ने धम्कीयुक्त सार्वजनिक अभिव्यक्तिप्रति इनरुवा कांग्रेसले कार्वाही गर्नुपर्ने जारी विज्ञप्तिमा भनिएको छ ।
नेपाली कांग्रेस इनरुवा नगरका सचिव राकेश निरौलाद्धारा हस्ताक्षरित विज्ञप्तिमा भनिएको छ, ‘अभिव्यक्ति स्वतन्त्रताको नाममा सामाजिक संजालको दुरुपयोग गर्दै प्रचार प्रसार गरिएकोप्रति घोर भत्र्सना गर्छौ । स्थानिय पत्रपत्रिकामा आएको नगरपालिका सम्वन्धि आएको अपुष्ट समाचारलाई आधार मानेर व्यक्त गरिएको अभिव्यक्ति प्रति आपतिजनक छ ।’
इनरुवा अस्पताल सुधार संघर्ष समिति सुनसरीको नाममा वडा–टोल समिति समेत बनाई स्थानीय तह लक्षित जनता समाजवादी पार्टी रिझाउने किसिमको राजनीतिक गतिविधि गर्दै हिडने साहुले त्यस्तो अभिव्यक्ति सामाजिक रुपमा भड्काउवादी तथा कानुन रुपमा आपराधिक रहेको नेपाली कांग्रेस इनरुवा नगर कार्य समितिको ठहर छ । विज्ञप्तिमा भनिएको छ , ‘त्यस विरुद्ध निजलाई कानुनी रुपमा जवाफदेही बनाउन सम्वन्धित निकाय मार्फत कानुनी चुनौती समेत दिएको छ ।’
सार्वजनिक पद धारण गरेको व्यक्तिमाथि सार्वजनिक रुपमा बर्बरकालिन आक्रमणको धम्की दिने र आम सर्वसाधारणहरुलाई उस्काउने खालका गतिविधि गर्ने साहुलाई पक्राउ गरि कानुनी कार्वाही गर्न सुनसरी प्रशासनसमक्ष जोडदार माग गरिएएको इनरुवा कांग्रेसका सचिव निरौलाले बताएका छन् ।
उनले भने, ‘नेपाली कांग्रेस वाक स्वतन्त्रताको सदैव सम्मान गर्ने दल भएपनि अपराधि चरित्रका हरेक व्यक्तिको सशक्त प्रतिरोध गर्न सक्षम रहेको छ । आगामी दिनमा यस्ता अपराधिक चरित्रका व्यक्तिलाई कार्वाही गर्नका लागि तयार रहेका चेतावनी समेत दिन चाहान्छु ।’
इनरुवा नगरपालिकामा भएको कुनै पनि नीतिगत भ्रष्टाचार तथा गतिविधीको सन्दर्भमा त्यहाँ रहेका सबै पार्टीका जनप्रतिनिधि उतिकै जवाफदेही हुने कुरा पनि विज्ञपितमा स्मरण गराएको छ । केवल नगर प्रमुख मेहता विरुद्ध गाली गलौजका गतिविधि नगर्न गराउन समेत प्रेस विज्ञप्ति मार्फत सबैलाई अनुरोध गरिएको छ ।
नेपाली कांग्रेसको गभ्मिर ध्यानाकर्षण भएकोले साहुले सचेत नभए आगामी दिनमा हुने क्षतिको सम्पुर्ण जिम्मेवारी साहुले लिनुपर्ने कांग्रेसका नेता तथा कार्यकर्ताहरु बताउँछन् ।
सामाजिक संजालमार्फत कसैलाई जनकार्वाही गर्ने अभिव्यक्ति नै सरासर गलत भएको कांग्रेसका नेता तथा कार्यकर्ताहरुको बुझाई छ । राजनीतिक गर्ने व्यक्तिले सार्वजनिक पद धारण गर्ने व्यक्तिलाई गाली गलौज गर्नु गलत कार्य भएको सामाजिक संजालमा व्यापक विरोध भएको छ ।
नेपाली कांग्रेस इनरुवा नगर कार्य समिति सुनसरीद्धारा जारी गरिएको प्रेस विज्ञप्ति जस्तो त्यस्तै ।
