इनरुवा । इनरुवा जेसीज वर्ष २०२२ को कार्यसमितिले नयाँ वर्ष २०७९ सालको लागि क्यालेन्डर सार्वजनिक गरेको छ । इनरुवा जेसीजले बिहीवार एक कार्यक्रमका बीच वर्ष २०७९ सालको क्यालेन्डर सार्वजनिक गरेको हो ।
इनरुवा जेसीजको सचिवालयमा नयाँ वर्ष २०७९ सालको क्यालेन्डर सार्वजनिक गरिएको इनरुवा जेसीज वर्ष २०२२ की अध्यक्ष पुष्पा खरेल निरौलाले बताईन् । इनरुवा जेसीजले प्रकाशित गरेको नयाँ वर्ष २०७९ सालको क्यालेन्डर पुर्व मेचीदेखी पश्चिम महाकालीसम्म रहेका जेसीजका सबै शाखाहरुमा पुर्याउने उनले बताईन् ।
इनरुवासम्म मात्र सिमित नराखी मुलुकभरमै रहेको जेसीज शाखाहरुलाई उक्त क्यालेन्डर प्रदान गरिने बताउँदै आफु इनरुवा जेसीजको नेतृत्वमा आएपछि नमुना कार्य गर्ने लक्ष्य अनुरुप क्यालेन्डर प्रकाशित गरेको बताईन् ।
इनरुवा जेसीज वर्ष २०२२ की अध्यक्ष पुष्पा खरेल निरौलाको अध्यक्षतामा भएको सो क्यालेन्डर सार्वजनिक कार्यक्रमका प्रमुख अतिथि इनरुवा जेसीजका पुर्व अध्यक्ष तथा नेपाल निजामती कर्मचारी युनियनका अध्यक्ष निखिल पोखरेल, अतिथिहरु इनरुवा जेसीजका पुर्व अध्यक्षहरु हिरा साह, सुनोज निरौला, कुन्दन मेहताले संयुक्त रुपमा क्यालेन्डर सार्वजनिक गरेका हुन् । इनरुवा जेसीजका महासचिव साकार पोखरेलले कार्यक्रम संचालन गरेका थिए ।
