इनरुवा । इनरुवा नगरपालिकाले निःशुल्क आँखा शिविर सम्पन्न गरेको छ ।
सिटि सफारी चालहरुको गुनासोलाई मध्यनजर गर्दै इनरुवा नगरपालिकाले निःशुल्क आँखा शिविर सम्पन्न गरेको हो ।
इनरुवा नगरपालिकाका प्रमुख केदार भण्डारीले शिविरको उद्घाटन गर्दै स्थानीय स्तरमा सिटी सफारी चलाएर जीविकोपार्जन गरिरहेकाहरुलाई आँखा शिविर सञ्चालन गरेर समस्याहरुलाई सम्वोधन सुरु गरिएको बताए ।
नगरका जनता भएकाले आँखा संवेदनशील अंग भएकाले इनरुवा नगरपालिकाबाट निःशुल्क आँखा जाँच शिविर गरिएको र आगामी दिनमा पनि प्रत्येक वडामा यस्ता खालको कार्यक्रमहरु सञ्चाल गर्ने पनि उनले बताए ।
इनरुवा–१ स्थित सत्य नारायण मन्दिरका सञ्चालन भएको सो शिविरमा ७० जना स्थानीय सिटी सफारी चालकहरुले सेवा पाएको नगरपालिकाले जनाएको छ ।
शिविर सफलताका साथ सम्पन्न भएको र सिटी सफारी चालकहरुको उत्साहजनक सहभागित भएकाले इनरुवा–२ मा पनि सिटी सफारी चालकहरुका लागि निःशुल्क आँखा जाँच शिविर सञ्चालनको तयारीमा रहेको इनरुवा नगरपालिका स्वास्थ्य शाखाका निखिल पोखरेलले जानकारी दिएका छन् ।
