इनरुवा । । नेपाल पत्रकार महासंघ प्रदेश नम्बर १ को निर्णय प्रति प्रेस युनियन प्रदेश नम्बर १ समितिले आपत्ती जनाएको छ । महासंघको १ नम्बर प्रदेश समितिले हालै विभिन्न जिल्ला शाखाहरूलाई नयाँ सदस्यताका लागि गरिएका सकुर्लरप्रति नेपाल प्रेस यूनियनको गम्भीर ध्यानाकर्षण भएको एक विज्ञप्ति जारि गदै महासंघको निर्णयमा असहमती जनाएको हो ।
प्रेस युनियन प्रदेश नम्बर १ समितिका संयोजक लीलाबल्लभ घिमिरेले विज्ञप्ति जारि गर्दै व्यक्तिगत पूर्वाग्रहले नयाँ सदस्यमा बखेडा निकालेको आरोप लगाएको छ । जिल्लाबाट सर्वसम्मत रूपमा सिफारिस भई आएका पत्रकारका हकमा उजुरी र गुनासाका नाममा व्यक्तिगत र राजनीतिक पूर्वाग्रह राखेर शाखाहरूमा विवाद उत्पन्न गराउने काम भएको छ यो तत्काल बन्द गरियोस् ।
प्रदेश समितिमै रहेका व्यक्तिबाट बैठक स्थलमै लिखित उजुरी पारेर पूर्वाग्रही काम गरी जिल्लामा क्रियाशील पत्रकारको चरित्रमा आँच पुग्ने गरी सकुर्लर गरेको घटनाले नेतृत्वको नियतमाथि प्रश्न चिह्न खडा गरेको युनियनको आरोप छ । पत्रकारितामा क्रियाशील साथीलाई सदस्यता प्रदान गर्न पनि माग गरेको छ । साथै नेपाल पत्रकार महासंघ केन्द्रीय समितिले तोकेको मिति भित्र सवै जिल्ला शाखाहरुलाई साधारण सभा गर्न समेत आग्रह गरिएको छ । प्रेस युनियन प्रदेश नम्बर १ समितिले जारी गरेको प्रेस विज्ञप्ति जस्ताको त्यस्तै ।
