इनरुवा । नेपाली कांग्रेस १ नम्बर प्रदेशका प्रमुख प्रतिपक्षी दलका नेता राजीव कोइरालाले वर्तमान प्रधानमन्त्री केपी शर्मा ओलीले मुलुकलाई झन्झट तर्फ लगेको आरोप लगाएका छन् ।
नेपाली कांग्रेस सुनसरीको देवानगञ्ज गाउँपालिका वडा नम्बर २ मा अन्तरक्रिया कार्यक्रमको अवसरमा सम्वोधन गर्दै नेता कोइरालाले नेकपा सरकार बहुमतमा रहँदा रहदै पनि आफनै अन्तरद्धन्द्धका कारण झन्झटमा पर्दा वर्तमान अवस्था आइपरेको उल्लेख गर्दै उनले प्रधानमन्त्री ओलीले गरेको निर्णय बिरुद्ध खरिएर बिरोध समेत गरें ।
नेपाली कांग्रेस सुनसरीका सभापति समेत रहेका कोइरालाले अन्तरक्रिया कार्यक्रममा बोल्दैं प्रधानमन्त्री केपी शर्मा ओलीले सांसद विघटन गर्नु गैर कानुनी काम भएको बताए ।
उनले सो अवसरमा आफू यस क्षेत्रबाट बिजयी भए लगतै विकासको गति आफनो क्षेत्रमा सकेसम्म बढाएको बताउँदै अगामि दिनमा थप सक्रिय बनाउँदै आफनो निर्वाचन क्षेत्रलाई विकासको नमुना निर्वाचन क्षेत्र बनाई छाडने प्रतिवद्धता समेत उनले ब्यक्त गरें ।
सो अवसरमा नेता कोइरालाले वर्तमान नेकपाको सरकार भित्र आन्तरिक द्धन्द्ध चर्किरहदाँ देश र जनतालाई थप समस्या आइपरेको बताउँदैं उनले देशमा जनताको पक्षमा काम गर्ने एउटै पार्टी नेपाली कांग्रेस मात्र रहेको उद्घोष गर्नुभयो ।
