इनरुवा । जनता समाजवादी पार्टी इनरुवा सुनसरीले राष्ट्रपति विद्यादेवी भण्डारी र प्रधानमन्त्री केपी शर्मा ओलीको पुतला दहन गरेको छ । जनता समाजवादी पार्टी सुनसरीले विरोध प्रदर्शन गदै इनरुवाको बस चौकमा शुक्रवार राष्ट्रपति र प्रधानमन्त्रीको पुतला दहन गरेको हो ।
प्रधानमन्त्रीले संसद् विघटन गरेको कार्य असबैधानिक र अलोकतान्त्रिक भएको भन्दैं संसद पूर्नबहालीको माग गर्दै जसपा सुनसरीले इनरुवामा बिरोध ¥याली प्रदर्शन गर्दै इनरुवाको बसचौकमा पुतला दहन गरेको हो ।
प्रधानमन्त्री केपी शर्मा ओली मुर्दावाद,ओली चोर देश छोड, पुतला दहन गर्दा राम राम सत् है सबका यही गत है, ‘ओलीको पाराले, दुःख पायो साराले’ भन्ने बिभिन्न नाराहरु लगाउँदै इनरुवा परिक्रम गरी इनरुवा बसचौकमा कोणसभामा परिणत भएको थियो ।
कोण सभालाई सम्वोधन गर्दै जसपाका १ नम्बर प्रदेशका नेता तारा पोखरेलले प्रधानमन्त्री केपी शर्मा ओलीले संविधान माथि नै अघात पुर्याएको र सवैधानिक अधिकारलाई कुठरघात गरेकोले आन्दोलनमा होमिनु परेको बताए ।
प्रधानमन्त्रीले आफनो पद जिवित राखेर संसद विघटन गर्नु गरै कानुनी भएकोले प्रधानमन्त्रीले पनि राजिनामा दिनुपर्ने उनले बताए । संसद विघटन गर्नु सरासर गलत भएकोले संसद पुर्नवहाली गर्नुपर्ने उनको तर्क थियो ।
अर्का जसपा सुनसरीका नेता देव नारायण चौधरीले पार्टीको पूर्व घोषित कार्यक्र अनुसार आफूहरुले राष्ट्रपति र प्रधानमन्त्रीको पुतला दहन गरेको बताए । वर्तमान प्रधानमन्त्री केपी शर्मा ओलीले असवैधानिक कदम चालेकोप्रति जसपा सुनसरीले बिरोध प्रदर्शन गरेको बताउँदै ओली आफै संघीयता र गणतन्त्र बिरोधी आरोप लगाए । सांसद रेशम चौधरीलाई रिहा गर्नुपर्ने माग राख्दै भोली शनिबार मसाल जुलुस समेत निकाल्ने उनले बताए ।
त्यसैगरी जसपा सुनसरीका नेता राम नारायण यादबले प्रधानमन्त्री केपी शर्मा ओलीले चालेको कदम गलत भएकोले पुतला दहन गरेको बताए । भोली शनिबार हुने मसाल जुलुसमा पनि सहभागिताका लागि सबैलाई अनुरोध समेत गरेका थिए । असबैधानिक कदम फिर्ता नलिएसम्म आफू आन्दोलनमा होमिने समेत यादवले चेतावनी दिएका छन् ।
ज्नता समाजवादी पार्टी सुनसरीका नेता भगिरथ खत्वेको अध्यक्षतामा कोणसभा सम्पन्न भएको थियो । कोणसभालाई सम्वोधन गर्दै नेता खत्वेले केन्द्रको निर्देशन अनुसार जसपा सुनसरीले शुक्रवार बिरोध गर्दै पुतला दहन गरेको र शनिबार मसाल जुलुस निकाल्ने भएकोले गाउँगाउँबाट सहभागिताको लागि अनुरोध गर्दै सहभागि सबैलाई धन्यवाद समेत दिएका थिए ।
