हरिनगरा । सुनसरीको सीमावर्ती हरिनगर गाउँपालिका ४ स्थित रहेको इलाका प्रहरी कार्यालय हरीनगरामा कार्यरत रहेका प्रहरी हवल्दारले छ हजार घुस लिदैगर्दा अख्तियार दुरुपयोग अनुसंधान आयोग इटहरीको टोलीले उनलाई रगेंहात पक्राउ गरेको छ ।
प्रहरी हवल्दार भोला यादवलाई छ हजार रकम सहित अख्तियार दुरुपयोग अनुसंधान आयोग इटहरीको टोलीले पक्राउ गरेको हो । प्रहरी हवलदार यादवलाई ६ हजार रकम सहित रगेंहात अख्तियारले पक्राउ गरेको समाचार श्रोतले जनाएको छ ।
ईलाका प्रहरी कार्यालय हरिनगरामा कार्यरत रहेका प्रहरी हवल्दार यादवले भारतबाट घरायसी सामान ल्याउन सहजीकरण गरिदिने प्रयोजनका लागि सेवाग्राहीसँग अतिरिक्त रकम माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय इटहरीबाट खटिई गएको टोलीले प्रहरी हवल्दार यादवले सेवाग्राहीबाट छ हजार रकम सहित पक्राउ गरेको आयोगका प्रवक्ता तारानाथ अधिकारीले जानकारी दिएका छन् ।
अतिरिक्त रकम लिई तत्कालै खाजा होटल संचालन गर्ने स्थानीय व्यापारी विनोद साहलाई राख्न दिएको अवस्थामा रकम सहित दुबै जनालाई हरिनगर गाउँपालिका वडा नं. ४ हरिनगरा बजारबाट नियन्त्रणमा लिई थप अनुसन्धान भइरहेको प्रवक्ता अधिकारीले जानकारी दिएका छन् ।
प्रहरी हवल्दार यादव पक्राउ परेको विषयमा थाहा नभएको जिल्ला प्रहरी कार्यालय सुनसरीका प्रवत्ता डीएसपी नरेन्द्रकुमार कार्कीले बताएका छन् ।
