इनरुवा । निजी तथा आवासीय विद्यालय अर्गनाइजेसन नेपाल(प्याब्सन) नगर कार्यसमिति इनरुवा सुनसरीले एक दिने मनोविमर्श तालिम सम्पन्न गरेको छ ।
प्याब्सनले निजी विद्यालयका शिक्षकहरुलाई शिक्षक विद्यार्थीमैत्री व्यवहारसहितको मनोविमर्श तालिम दिएको हो । विद्यालयमा बालमैत्री शिक्षण सिकाइमा योगदान पुग्ने गरी तालिम दिएको प्याब्सन नगर अध्यक्ष मनोज यादवले बताएका छन् ।
तालिममा इनरुवा नगरपालिका र कोसी गाउँपालिकाका छ सयभन्दा बढी शिक्षकहरुको सहभागिता रहेको थियो । बाल मनोवैज्ञानिक पल्लब समनले सो शिक्षकहरुलाई सहजीकरण तथा तालिम प्रदान गरेको थियो ।
कार्यक्रमका प्रमुख अतिथि निजी तथा आवासीय विद्यालय अर्गनाइजेशन नेपाल (प्याब्सन) जिल्ला अध्यक्ष विष्णु कोइराला, विशेष अतिथिहरु निरज नेपाल, दीपक कार्की, राजाराम मेहता, माधव खतिवडा, राजकुमार मेहता, सरोज बराल, महेश गुरागाईलगायतको सहभागिता रहेको थियो ।
