इनरुवा । इनरुवाका नगरपालिकाका नगरप्रमुख राजन मेहताले बदलिँदो परिस्थितीका बारेमा नेपाली कांग्रेसका सभापति शेरबहादुर देउवासँग आज छलफल गरेका छन् ।
संसद विघटन भएपछि राजनीतिकमा आएको परिवर्तन बारेमा मुलुकमा कांग्रेसले कस्तो भूमिका निर्वाह गर्ने विषयमा इनरुवाका नगरप्रमुख मेहताले कांग्रेसका सभापति देउवासँग समसमायिक राजनीतिको बिषयमा छलफल गरेका हुन् ।
अगाीमा दिनका कांग्रेसको भावी रणनीति र योजनाका बारेमा पार्टीका सभापति देउवासँग नगरप्रमुख मेहताले बदलिदो परिस्थितीका बारेमा आफना राय समेत राखेका छन् । नगरप्रमुख मेहताले मुलुकमा संकट आउनसक्ने सम्भावनालाई मध्यनजर गर्दै पार्टीका सभापति सहित कांग्रेसका अन्य नेताहरुसँग भेटघाट गरी राजनीतिकबारेमा छलफल गरेका हुन् ।
इनरुवा नगरप्रमुख मेहता अहिले संघीय राजधानी काठमाडौंमा कांग्रेसका नेताहरुसँगको भेटघाटलाई तिब्र बनाएका छन् । राजनीतिका आएको उथलपथलको बारेमा नगरप्रमुखले चासो लिदैं संघीय राजधानी काठमाडौंमा केहीदिन देखी राजनीतिक परिवर्तनका बारेमा आफना राय राख्दै अगामी दिनको बारेमा कांग्रेसले खेल्नुपर्ने भूमिका बारेमा आफना धारण सहित सुझाव राख्ने गरेका छन् ।
नगरप्रमुख मेहताले सुनसरीमा कांग्रेसले खेल्दै आएको भूमिकाबारेमा पार्टी सभापति देउवालाई जानकारी गराउँदै मुलुककै आँखा सुनसरीको राजनीतिकमा भएकोले सुनसरीमा कांग्रेसको किल्ला भत्काउन केही पार्टीको केन्द्रीय नेताहरुले भत्काउन खोजेको बताउँदै मेहताले सुनसरी कांग्रेसको राजनीतिकमा बिशेष ध्यान दिन पार्टी सभापतिलाई आग्रह गरेका छन् ।
नेपाली कांग्रेस सुनसरी जिल्लामा बलियो भएकोले अरु पार्टीका नेता तथा कार्यकर्ताहरुको आँखा सुनसरीमा मात्रै भएकोले सुनसरीको राजनीतिकलाई अझ सुदृढ बनाउन र कार्यकर्ताहरुको उत्साहलाई सम्मान गर्नुपर्नेमा उनले जोड दिएका थिए ।
त्यसैगरी नगरप्रमुख राजन मेहताले नेपाली कांग्रेसका केन्द्रीय सदस्य तथा सुनसरी क्षेत्र नम्बर ४ का सांसद् ज्ञानेन्द्र बहादुर कार्कीसँग राजनीतिक अवस्थाका बारेमा छलफल गरेका छन् ।
यता इनरुवा नगरपालिकाका नगर प्रमुख राजन मेहताले सुनसरी अनलाइनसँग कुराकानी गर्दै नेपाली कांग्रेसको ठोस निर्णय र अगामी दिनमा कांग्रेसको निर्देशन र खेल्नुपर्ने भूमिकाबारे स्पष्ट नीति आएपछि आफू सुनसरी आउने बताएका छन् ।
