इनरुवा । नेपाली कांग्रेसका केन्द्रीय तथा पूर्व अर्थमन्त्री ज्ञानेन्द्रबहादुुर कार्कीले आन्दोलनको रुवरुप बदलिएर अगाडि बढ्ने बताएका छन् ।
सुनसरीको इटहरीमा नेपाल प्रेस युनियन सुनसरीले आयोजित साक्षात्कार कार्यक्रममा बोल्नुहुदैं नेता कार्कीले संसद् विघटन गरेको बिरुद्धमा आन्दोलनको रुवस्प पनि नेपाली कांग्रेसले परिर्वतन गरेर अगामि दिनमा अगाडि बढ्ने बताएका हुन् ।
मुलुकमा नेपाली कांग्रेसले लोकतन्त्र र संविधानको रक्षाका लागि आन्दोलनको स्वरुप परिर्वतन गरेर युवा पुस्ताहरुमा कांग्रेसले खेलेको भूमिका बारेमा स्पष्ट धारणा राख्नुपर्ने उनले बताए ।
नेपाल प्रेस युनियनले आयोजना गरेको साक्षात्कार कार्यक्रममा सहभागि भएका सञ्चारकर्मीहरुको भावना र गुनासोलाई सम्वोधनगर्दै केन्द्रीय नेता कार्कीले वर्तमान मुलुकको परिस्थितीबारे नेपाली कांग्रेसले खेल्नुपर्ने भूमिका बारे धारणा राखेका थिए ।
नेता कार्कीले मुलुक दोबाटोमा गुज्रिरहेको अवस्थामा नेपाली कांग्रेसले ठीक बाटोमा जान नसके मुलुक अल्कल्पनीय दुर्घटनातर्फ अग्रसर हुन सक्ने बताए ।
‘नेपाली कांग्रेसले राजनीतिक र ऐतिहासिक परिर्वतनको नेतृत्व गर्दै आएको पार्टी भएकोले अहिलेको परिस्थितीमा पनि कांग्रेसले निर्णायक भूमिका निर्वाह गर्ने’ ‘उनले भने ‘देशलाई एकता शान्ति र विकासको पाटोमा आग्रसर गराउने पार्टी हो ।’
सुनसरी निर्वाचन क्षेत्र नम्बर ४ बाट जनताले बिश्वास गरेर बिजयी गराएको हुदाँ त्यही विश्वासलाई आत्माथ गरेर विकासको गतिलाई पनि तिब्रता दिएको उनले बताए । त्यस क्षेत्रको समस्यालाई समाधान गर्ने मेरो प्रमुख जिम्मेवारी भएकोले समयमा नै आवाज उठाएर जनताप्रति उत्तरदायी बन्ने समेत साक्षात्कार कार्यक्रममा उनले बताए ।
नेपाली कांग्रेस लोकतान्त्रिक पार्टी भएकोले लोकतन्त्र र संविधानको रक्षा गर्ने दायित्व हाम्रो हो उनले भने तीन वटा परिवेशमा देश गुज्रिरहेको छ ।
पहिलो परिवेश सर्वोच्चले संसद् पुनःस्थापना गर्छ , दोश्रो परिवेश सर्वोच्चले सरकारले गरेको निर्णयलाई जनतामा जाने जनआदेश दिन्छ र तेस्रो चुनाव पनि नहुने र संसद् पनि नरहने परिवेशमा नेपाली कांग्रेसले सुझबुझका साथ अगाडि दिनको निर्वाह गरेको भूमिका पनि अहिलेको समयमा निर्वाह गर्ने नेता कार्कीको भनाई छ ।
आन्दोलनको स्वरुप परिर्वतन गरेर जनतासँग गएर परिस्थितीलाई सामाना गर्न कांग्रेस तयार रहेको उनले बताए । जनतासँग जोडिएर शान्तिपूर्वक आन्दोलन मार्फत नेपाली जनताको भावनाहरुलाई कदर गर्नुपर्दछ उनकोे भनाई छ ।
साक्षात्कार कार्यक्रममा नेपाल पत्रकार महासंघ सुनसरीका अध्यक्ष अमर खड्का, सचिन पोखरेल, चेतन धामला, रञ्जना पौडेल, निशान्त चौधरी, मनोज भुजेल, मिकाइल आलम लगायतको सञ्चारकर्मीहरुको सहभागिता रहेको थियो ।
