नेपाल तरुण दल इटहरीले नेपाली कांग्रेसले आयोजना गरेको कार्यक्रममा भएको झडपका बिषयमा आएका समाचार प्रति आफ्नो गम्भीर ध्यानाकर्षण भएको जनाएको छ ।
नेपाल तरुण दल इटहरीका अध्यक्ष विष्णु खत्रीले आज एक प्रेस विज्ञप्ति जारी गर्दै हिजो केही अनलाईन न्युज तथा सामाजिक संजालमा नेपाल तरुण दल जिल्ला समिति सुनसरी र इटहरी उपमहानगर समिति बीच झडप भएको भन्दै समाचार प्रकाशन भएको प्रति आफ्नो गम्भीर ध्यानाकर्षण भएको र उक्त समाचारमा कुनै सत्यता नभएको जनाएका छन ।
अध्यक्ष खत्रीले उक्त समाचारको खण्डन गर्दै नेपाल तरुण दल जिल्ला कार्यसमिति र इटहरी उपमहानगर समिती बिच विवाद नरहेको समेत प्रष्ट पारेका छन ।
नेपाल तरुण दलमा आबद्ध तरुणहरुलाई आपसी विवाद संगठनमा नजोड्न आग्रह गर्दै खत्रीले यस किसिमका गतिविधी दोहोरिए कार्बाही गर्ने चेतावनी समेत दिएका छन ।
व्यक्तिको सुसुचित हुन पाउने अधिकार र प्रेस स्वतन्त्रता प्रती नेपाल तरुण दलको उच्च सम्मान रहेको उल्लेख गर्दै अध्यक्ष खत्रीले नेपाल तरुण दल सँग सम्बन्धित समाचार प्रकाशन प्रसारण गर्दा संगठनका आधिकारिक व्यक्तिहरुसँग बुझेर मात्र समाचार प्रकाशन गर्न पत्रकार तथा सञ्चारकर्मीहरुलाई आग्रह समेत गरेका छन ।
नेपाली कांग्रेस सुनसरी २(क) ले हिजो सरकार बिरुद्ध गरेको प्रदर्शनमा तरुणहरु बीच सामान्य विवाद भएको विषयमा केही अनलाईन तथा सामाजिक संजालमा नेपाल तरुण दल जिल्ला समिति र नेपाल तरुण दल इटहरी पक्ष विपक्षमा विभाजित भएको भनी समाचार प्रकाशित भए पछि नेपाल तरुण दल सुनसरीले व्यक्तिगत विवादलाई संगठनसँग जोड्न नहुने भन्दै विज्ञप्ति मार्फत प्रष्ट पारेको हो ।
