गनेश यादव
इनरुवा । सुनसरीको इनरुवामा २९९ औं पृथ्वी नारायण शाहको जन्म जयन्ति तथा राष्ट्रिय एकता दिवसको अवसरमा बृहत र्याली प्रदर्शन गरेका छन् ।
श्री ५ पृथ्वी जयन्ती समारोह समिति तथा राष्ट्रिय एकता दिवस इनरुवा सुनसरीको आयोजनामा इनरुवा–१ चाँदनी टोल टेम्पो स्टेण्डबाट सुरु भएको बृहत र्याली इनरुवा नगर परिक्रमा गरी सोही ठाउँमा कोणसभामा परिणत गरेका छन् ।
र्यालीमा राजा आउ, देश बचाउ, तराई, पहाड, हिमाल, कोही छैन् पराई, राष्ट्रिय एकता जिन्दावाद, हाम्रो राष्ट्र, हाम्रो देश प्राण भन्दा प्यारो छ भन्ने नाराबाजी गर्दै इनरुवा नगर परिक्रममा गरेका हुन् ।
नगरपरिक्रममा गर्दै सहभागिहरुले अहिलेको स्थिती सिर्जना हुनुमा राजाको बर्हिगमन रहेकाले पुनः राजसंस्था पुर्नस्थापना हुन आवश्यक रहेको बताएका छन् ।र्यालीमा हजारबढीको सहभागिता रहेको थियो ।
