इनरुवा । भोक्राहा नरसिंह गाउँपालिका नेपाली कांग्रेसले माघ ३ गते आयोजना गर्न लागेकोे विरोध सभाको तयारी पूरा भएको छ ।
वर्तमान सरकारले गरेको संसद् विघटन असंवैधानिक र अलोकतान्त्रिक भएको भन्दै भोक्राहा नरसिंह नेपाली कांग्रेसले विरोध सभाको सम्पूर्ण तयारी पूरा भएको जनाएको छ ।
भोक्राहा नरसिंह गाउँपालिका नेपाली कांग्रेसका सभापति युवराज दाहालले माघ ३ गते स्थानीय तहमा विरोध सभा गर्ने नेपाली कांग्रेस पार्टीको पूर्व घोषित कार्यक्रमअनुसार गर्न लागेको बताए ।
सभापति दाहालले विरोध सभा कार्यक्रमको सम्पूर्ण तयारी आफूहरुले गरिसकेको बताए । आउँदो माघ ३ गते भोक्राहा नरसिंह गाउँपालिकाको चिरौली चोकमा विरोध सभा कार्यक्रम हुने भएको हुँदा सहभागिताका लागि सबैमा अपिलसमेत गरेका छन् ।
नेपाली कांग्रेसको सम्पूर्ण भातृ संगठन, शुभेच्छुक, युवा, महिला, नागरिक समाज, बुद्धिजीवीलगायतले आउँदो माघ ३ गते सहभागिता जनाई विरोध सभालाई सफल बनाउनका लागि सभापति दाहालले अनुरोधसमेत गरेका छन् ।
यसैबीच केही दिनअगाडि भोक्राहा नरसिंह राप्रपाका अध्यक्ष अजिम मन्सुरीले पार्टी परित्याग गरी नेपाली कांग्रेसमा प्रवेश गरेको थियो । पार्टी परित्याग गरी कांग्रेसमा प्रवेश गरेकोले मन्सुरीलाई उच्च मूल्याङ्कन गर्दै भोक्राहा नरसिंह नेपाली कांग्रेसको उपसभापतिमा मनोनित गरेकोसमेत उनले बताए ।
