इनरुवा । राष्ट्रिय युवा संघ नेपालको सुनसरी संयोजकमा अरूण गुरूङ चयन भएका छन् । धरानमा भएको युवा संघको बृहत् भेलाले गुरूङलाई संयोजकमा चयन गरेको हो । त्यस्तै भेलाले सुनसरीका १२ वटै स्थानीय तहका संयोजक र सह संयोजक पनि तोकेको छ ।
धरान उपमहानगरपालिकाको संयोजकमा भवानी दाहाल, इटहरीको संयोजकमा कमल दाहाल, सह संयोजकमा संजिव शाह, संयोजक सन्तोष तामांङ, सह संयोजक मिलन चौधरी, गढीको संयोजक अतित चौधरी, सह संयोजक, दिपेश यादव, रोशन चौधरी, सह संयोजक जय नारायण गुरूङ, कोशीको संयोजक भुपेन्द्र पाठक, सह संयोजक राजेन्द्र यादव, देवानगञ्जको संयोजक सरोज मेहता, भोक्राहा नरिसंह गाउँपालिका गाउँ कमिटीको संयोजकमा रमेशकुमार यादवलाई चयन गरिएको छ भने सह संयोजकमा इसाक अन्सारी चयन गरिएको छ ।
त्यस्तै रामधुनी नगरपालिकाको संयोजकमा परशुराम लुइटेल, बराहक्षेत्रको संयोजक मणिराज तामांङ, सह संयोजक रविन राई चयन गरिएको जिल्ला संयोजक अरूण गुरूङले जानकारी दिए । उनको भनाई अनुसार जिल्लामा ७१ सदस्यीय कमिटी गठन गरिएको छ ।
यता राष्ट्रिय युवा संघ नेपाल, भोक्राहा नरसिंह गाउँपालिकाका गाउँ कमिटी संयोजक रमेश कुमार यादव संगठन बनाउन व्यस्त रहेका छन् ।
पछिल्लो समय भोक्राहा नरसिंह गाउँपालिकामा युवाहरु माँझ कम समयमा लोकप्रीय बनेको छ । यादव उदायमान युवाका रुपमा परिचित बन्दै गएकोले युवाहरुको लहर दिनप्रतिदिन बढ्दै गएको छ । यता यादव युवा संघको संयोजकमा चयन भएपछि युवाहरुको मोह बढ्दै गएको छ ।
युवाहरुको नेतृत्व गर्ने यादव अहिले ओली समुहको तर्फबाट राष्ट्रिय युवा संघ नेपाल, भोक्राहा नरसिंह गाउँपालिकाको संयोजकमा चयन भएकोले पालिकामा संगठनलाई बिस्तार गर्न र बाँकी रहेको पदहरुमा केही दिनभित्र पदपूर्ती गर्नका लागि युवाहरुमाझ कसरत गरिरहेका छन् । संयोजकको जिम्मेवारी पाएपछि यादवलाई युवाहरुले समाजिक संजाल फेसबुक, म्यासेन्जर, ह्वाटस्प लगायतबाट बधाई तथा शुभकामना दिन थालेका छन् ।
युवाहरुको नेतृत्व गर्दै आएको रमेश यादवले सदैव युवापुस्ताको समस्या पहिचान गरी समाधान गर्नेतर्फ सक्रिय रहेको भोक्राहा नरसिंहका युवाहरु बताउँछन् । युवाहरुको आवाज बुलन्द गर्नका लागि र हक अधिकार प्राप्तिका लागि आवाज उठाउने र जिल्ला, प्रदेश र केन्द्रसम्मका नेताहरुसँग समन्वय गरी समस्या समाधान गर्न दारुकता देखाउने गरेकोले उनलाई युवाहरुको साथ र सहयोग पाएकोले असल नेतृत्व बहन गरेको उनीहरुको बुझाई रहेको छ ।
यादवले कोभिड १९ कोरोना भाइरसको समयमा विपन्न तथा गरिव परिवारहरुलाई विभिन्न संघ संस्थाहरुसँग समन्वय गरी राहत समेत उपलब्ध गराएको थियो भने समुदायमा पनि उनी लोकप्रिय युवा नेताका रुपमा परिचित हुन थालेकोले अगामी दिनमा युवा संघबाट राजनीतिक यात्रालाई निरन्तरता दिदैं अगाडि बढने उनले बताए ।
