हरिनगर । सुनसरीको हरिनगर गाउँपालिकाका अग्निपीडितलाई आर्थिक सहयोग उपलब्ध गराएको छ । हरिनगर गाउँपालिका–२ र ६ नम्बर वडामा केही महिनाअघि आगलागी हुँदा करोडौँको क्षति भएपछि पालिकाले आर्थिक सहयोग गरेको हो ।
हरिनगर–२ मा ६ जना र ६ नम्बर वडामा ३ जना गरी नौ जनालाई जनही २५ हजारको आर्थिक सहयोग गरेको हो । हरिनगर गाउँपालिकाका अध्यक्ष गफार अन्सारी मियाँले विपत व्यवस्थापन कोषबाट नौ जनालाई बिहीबार घरदैलोमा पुगेर २५ हजारको चेक हस्तान्तरण गरेका हुन् । अग्निपीडित परिवारलाई राहत सामग्री उपलब्ध गराए पनि उनीहरुलाई चेक हस्तान्तरण गर्न घरदैलोमा पुगेका थिए ।
हरिनरगरका अध्यक्ष अन्सारीले जनताको सेवामा समर्पित रहेकोले आफूले सक्दो सहयोग गरिरहेको बताए । जनताको मर्म भावनाअनुसार काम गर्दै आएकाले अगामी दिनमा सहयोगा गर्ने प्रतिबद्धता व्यक्त गरेका छन् ।
अग्निपीडितहरुलाई भेटघाट गर्दै उनले भने, ‘अहिले पालिकाबाट आर्थिक सहयोग गरेको छु । अगामी दिनमा पनि अग्निपीडितहरुलाई माया स्नेह गर्नेछु । दुःखको घडीमा पनि आफू सहयोग गर्ने तत्पर रहेको छु,’ उनले भने । धेरै सहयोग गर्न नसके पनि पालिकाबाट २५ हजारका दरले सहयोग गरेको उनले बताए ।
‘जनताको साथमा छु,’ उनले भने, ‘आफू यस क्षेत्रमा राजनीतिबाट नै सेवा गर्छु । पदमा रहे पनि, नरहे पनि जनताको सेवा गर्नु मेरो धर्म हो ।’हरिनगर गाउँपालिकाका प्रमुख प्रशासकीय अधिकृत भक्तबहादुर खड्काले विपत परेको बेला पालिका तादुरुकता देखाएकाले सरसफाइमा ध्यान दिन आवश्यक रहेको बताए ।
मानव सभ्यताको परिचय दिन सदैव लाग्नुपर्ने अधिकृत खड्काले बताए । पराल, फुसको समान, गोइठा,लगायतको समान सुरक्षित साथ राख्नुपर्ने उनले बताए । घरआँगनमा सफा राखी घरको अगाडि गार्डेन बनाउन सुझाव पनि दिएका थिए । 
अधिकृत काकीले विपतको बेलामा पालिकाले घरलदैलोमा गएर आर्थिक सहयोग गर्ने गरेकाले आगलागीबाट सावधानीका उपायहरुमा ध्यान दिनुपर्नेमा जोड दिएका थिए ।
हरिनगर गाउँपालिका–२ का वडाध्यक्ष युनुस मियाँ, आजिम मियाँ, जमिला मियाँ, सतार मियाँ, सहमुद्दिन मियाँ, इसराफी मियाँलाई २५ हजारको चेक हस्तान्तरण गरेका थिए ।
हरिनगर–६ का सराजुद्दिन मियाँ, नजाम अन्सारी र बसिर मियाँलाई पनि २५ हजारको चेक हस्तान्तरण गरेका थिए । हरिनगर गाउँपालिकाका अध्यक्ष गफार अन्सारी मियाँ, प्रमुख प्रशासकीय अधिकृत भक्तबहादुर खड्का, नेपाली कांग्रेस हरिनगर गाउँपालिकाका सभापति शिवहरि श्रेष्ठ, २ का वडाध्यक्ष युनुस मियाँ, ६ का वडाध्यक्ष मोहम्मद इसराइल अन्सारी, कांग्रेत नेता सराजुद्दिन अन्सारी, वडासचिव शमिम अन्सारी, लेखा शाखाका रन्जित मेहताले नौजनालाई चेक हस्तान्तरण गरेका थिए ।
