बराहक्षेत्र । सुनसरीको बराहक्षेत्र नगरपालिका–३ स्थित नडाहका गणेश कार्की विवेकशील साझा कतारको संयोजकमा चयन भएका छन् ।
गत शुक्रबार पार्टीका केन्द्रिय संयोजक रबिन्द्र मिश्रले आफ्नो सामाजिक संजाल फेसबुकमार्फत कतारको लागि संयोजकमा कार्की र सहसंयोजकमा जयशकंर शाहसहित २१ सदस्यीय समिति चयन गरिएको जानकारी दिएका छन् ।
नवनियुक्त संयोजक कार्की यस् पार्टीमा स्थापनाकालदेखि नै कतारबाट राजनीतिक जीवन सुरु गरेका हुन् ।
उनका अनुसार छिट्टै नेपाल फर्केर आफ्नै गाँउबाट वैकल्पिक शक्तीको रूपमा उदयमान भईरहेको विवेकशील साझा पार्टीबाट गाउँघरमा भए गरेका कमी कमजोरीहरूलाई उजागर गर्दै समाजसेवा गर्ने योजना रहेको छ ।
आफ्नो गाँउ बिकासको लागी महत्वपूर्ण भूमिका निर्वाह गर्न भिन्नै किसिमको व्यावसाय गर्न चाहान्छु, उनले भनें । संयोजक कार्कीले केही दिनमा कार्य समिति विस्तार गर्ने जनाएको छ
