इनरुवा । सुनसरीको सदरमुकाम इनरुवाबाट प्रकाशन हुँदै आएको सत्य संसार साप्ताहिक पत्रिकाले आफ्नो चौथो वार्षिक उत्सव सम्पन्न गरेको छ ।
सो अवसरमा पत्रिकाले सुनसरीभित्रका विभिन्न क्षेत्रका पाँचजना जनप्रतिनिधिलाई सम्मान समेत गरेको छ ।
सम्मानित हुने जनप्रतिनिधिहरुमा इनरुवा नगरपालिका प्रमुख राजन मेहता, हरिनगर गाउँपालिका अध्यक्ष गफार अंसारी, कोशी गाउँपालिका अध्यक्ष ऐयुव अंसारी , रामधुनी नगरपालिकाका प्रमुख जयप्रकाश चौधरी र गढी गाउँपालिका अध्यक्ष श्रीप्रसाद यादव रहेका छन् ।
इनरुवा नगरपालिका प्रमुख राजन मेहताले खेलकुद विकासमा योगदान पुर्याएको भन्दै सम्मान पत्र सहित दोसल्ला ओढाएर सम्मान गरेका हुन् । त्यसैगरी हरिनगर गाउँपालिका अध्यक्ष गफार अंसारीले सीमावर्ती क्षेत्रसम्म कालोपत्रे सडक निर्माण गरी त्यस क्षेत्रमा विकास निर्माण कार्यलाई अगाडि बढाएकोले सम्मान गरिएको हो ।
कोशी गाउँपालिका अध्यक्ष ऐयुव अंसारीले शिक्षा क्षेत्रमा योगदान पुर्याएको भन्दै सम्मान पत्र सहित दोसल्ल ओढाएर सम्मान गरेका हुन् ।
त्यसैगरी रामधुनी नगरपालिकाका प्रमुख जयप्रकाश चौधरीले सुशासन र विधिलाई कायम गरी समयमै सार्वजनिक सुनवाई र सामाजिक परीक्षण गरिरहेकोले उनलाई पनि सम्मान पत्र सहित दोसल्ला ओढाएर सम्मान गरेका हुन् ।
त्यसैगरी गढी गाउँपालिका अध्यक्ष श्रीप्रसाद यादवले स्वास्थ्य क्षेत्रमा सुधार गरी त्यस क्षेत्रमा योगदान पुर्याएको भन्दै सत्य संसार साप्ताहिक पत्रिकाले सम्मान गरेको हुन् । सोही अवसरमा सो पत्रिकाको कार्यालय उद्घाटन गरिएको छ ।
कार्यक्रममा प्रमुख जिल्ला अधिकारी फणिन्द्रमणि पोखरेल, इनरुवा नगर प्रमुख राजन मेहता, रामधुनी नगर प्रमुख जयप्रकाश चौधरी, कोशी गाउँपालिका अध्यक्ष ऐयुब अन्सारी, हरिनगर गाउँपालिका अध्यक्ष गफार अन्सारी, नागरिक समाजका पुरुषोत्म घिमिरे, पत्रकार राजेन्द्र पोखरेल, रामरिझन यादव, उद्योग वार्णिज्य संघका इनरुवा अध्यक्ष विरेन्द्र साह, जिल्ला आयुर्वेद स्वास्थ्य केन्द्रका प्रमुख डा. सूर्य नारायण मेहता लगायतले मन्तव्य राखेका थिए ।
कार्यक्रममा सत्य संसार साप्ताहिकका संरक्षक सल्लाहकार सम्पादक जयकृष्ण यादव, पत्रकारहरु शशी कोईराला, इकबाल अहमद, टोमराज मेहता, चन्दन गुप्ता, प्रमोद यादव, अमर काफ्ले, पप्पु यादव, दिपेन्द्र यादव अजमल अन्सारी, मुनाफ हसन, गणेश यादव, समाजसेवी टिका शिवाकोटी, अनरुद्ध मेहता, देवनारायण यादव, कामेश्वर यादव, श्यामप्रसाद साह, सत्यनारायण मेहता लगायतको सहभागिता रहेको थियो ।
कार्यक्रममा साहित्यकार बिमला पोखरेल, पुरुषोत्म घिमिरे, रामशुन्द मेहता, भजनलाल मेहता, जेष्ठ नागरिक समाजका अध्यक्ष नविनचन्द साह, टिका आचार्य, अम्बिका घिमिरे, कान्दा पोखरेल भट्टराई , नेपाली काग्रेंस इनरुवा नगर कार्यसमितिका सचिव धिरज भट्टराई, अधिवक्ता श्यामिका महतो, अधिकारकर्मी चुन्नी खातुन, रिभा कर्ण , रामलखन मेहता सहितको उपस्थिती रहेको थियो ।
